Мэргэжлийн сүмо бөхийн Кюүшюү башё өнөөдөр өндөрлөлөө. 2021 оны сүүлчийн башёд ёкозүна Тэрүнофүжи Г.Ган-Эрдэнэ түрүүлж, япон эзэн хааны цомыг зургаа дахиа гардан авав. Тэр 15 дахь өдрийн барилдаанд озеки Такакейшог давж, анх удаа уналгүй түрүүллээ. Тэрбээр  61 жилийн дараа ёкозүна цол хүртсэнийхээ дараа хоёр башё дараалан түрүүлсэн Тайхо аваргын амжилтыг давтаж байна. Мөн монгол сүмочдын дээд зиндааны 93 дахь түрүүг авсан бөгөөд ёкозүна Какирюү М.Анандын амжилттай зэрэгцэж ирлээ. Энэ өдөр дээд зиндаанд барилдсан бусад монгол бөхчүүдээс гурав нь давж, хоёр нь унасан юм. Чиёошома Г.Мөнхсайхан (8:7), Хошорюү С.Бямбасүрэн (7:8), Кирибаяма Б.Лхагвасүрэн (6:9) нар давсан бол Тамаваши Б.Мөнх-Оргил (9:6), Ичиножо А.Ичинноров  (5:10) нар уналаа. 

Б.Жаргал