Оросын зохиолч Лев Толстойн “Анна Каренина” романаас сэдэвлэсэн сонгодог жүжиг өнгөрсөн 2020 оны аравдугаар сарын 3-нд Улсын драмын эрдмийн театрын тайзнаа нээлтээ хийж байв. Тэгвэл тус театрын уран бүтээлчид үзэгчдийн талархлыг хүлээсэн сонгодог жүжгээ ирэх дугаар сарын 15-20-нд дахин тоглохоор болжээ. Оросын суут зохиолч Лев Толстойн “Анна Каренина” романыг Н.Пүрэвдагва жүжгийн зохиол хэлбэрт оруулан бичиж, Төрийн соёрхолт, найруулагч Н.Наранбаатар найруулж, зураачаар Т.Ганхуяг ажиллажээ. Харин жүжгийн гол дүр буюу Анна Каренинаг саяхан алтан гадас одонгоор энгэрээ мялаасан жүжигчин Н.Баярмаа бүтээсэн бол Алексей Каренинд Ардын жүжигчин Б.Жаргалсайхан нар тоглоно.

Б.Жаргал