Нийслэлийн Засаг дарга Д.Сумъяабазар "Нээлттэй Улаанбаатар" хэвлэлийн хурлын үеэр цаг үеийн асуудлаар мэдээлэл хийв. Тэрбээр “Улаанбаатар хотын мэдээллийн урсгалыг нэг болгож, нийслэлчүүдэд зөв мэдээлэл өгөх боломжийг нээж байна. Цар тахлын дараах нөхцөл байдал нь нийслэлд үйл ажиллагаа явуулж байгаа аж ахуйн нэгжүүдэд төрийн захиргааны байгууллагуудын хүнд суртал байгаа. Үүнийг өөрчлөхөөр бид ажиллана. Цар тахлын эсрэг тэмцэж буй цаг үед нийслэлийнхэн гуравдугаар тунд хамрагдаж, халдвар авсан тохиолдолд хүндрэлгүй давж гарах байдлыг ард олондоо уриалж байна. Төрийн захиргааны алба хаагчдад захиргааны арга хэмжээ авч шахах, удирдлагууд манлайлах үзүүлэл хийж байна. Хамгийн гол нь төрийн албан хаагчид манлайлж оролцож ёстой. Бизнес орчныг чөлөөтэй байлгах үүднээс арванхоёрдугаар сарын 15-нд шар бүс рүү орж, энэ хүрээнд аж ахуйн нэгжүүдэд таатай орчин бүрдүүлж, төрийн дарамтаас ангижруулах, хүнд суртлыг арилгах, хувийн хэвшлийнхнийг дэмжих бодлого гаргаж ажиллана. Мөн нийтийн эдэлбэр газрыг чөлөөлж байгаатай холбогдуулан  бид сөөм газрыг ч алдахгүй” хэмээн онцоллоо.

Б.Жаргал