Чөлөөт бөхийн гавьяат тамирчин Оюунбилэгийн Пүрэвбаатарын нэрэмжит чөлөөт бөхийн аварга шалгаруулах тэмцээн энэ сарын 18-нд “Алдар” спорт хорооны зааланд болно. Энэ тэмцээн 12 дахь жилдээ болох юм. О.Пүрэвбаатар нь Дэлхийн АШТ-ий хошой мөнгө, Дэлхийн цомын хүрэл, Азийн наадмын алт, мөнгө, Ази тивийн аварга, Монгол Улсын долоон удаагийн аварга тамирчин юм. Тэрбээр өдгөө дасгалжуулагчаар ажиллаж буй бөгөөд ДАШТ-ий мөнгөн медальт, гавьяат тамирчин Б.Номин, ДАШТ-ий хүрэл медальт Т.Түвшинтулга нар түүний шавь нар билээ.

Б.Жаргал