УИХ-ын гишүүн Х.Булгантуяа ирэх оны төсөвтэй холбогдуулан байр сууриа илэрхийллээ. Тэрбээр "Төсвийн хөрөнгө оруулалттай, төсвийн зарлага, өр зээлийн хэмжээ дээр ямар алдаа гаргаж байга талаар дүн шинжилгээ хийлгэх нь зүйтэй гэж харж байна. Засгийн газрын зүгээс бидэнд тоон мэдээллээ өгөөд дүн шинжилгээ гаргаж өгөөч гэхээр өөрсдийнхөө хийсэн төсвийг шүүмжлэх болох гээд байна.

Үнэлгээний газар гэхэд бүх тоон мэдээлэл байдаггүй. Сүүлийн 10 гаруй жилийн төсөв дээр дүн шинжилгээ хийнэ гэхээр манай 6, 7 хүн хангалттай биш. Үүнд хүн хүч, хөрөнгө татаж оролцуулахагүй бол болохгүй юм билээ. Дэлхийн банкнаас бидэнд өгсөн зөвлөмж гэвэл улстөржсөн шийдвэрүүд урсгал зардал дээр маш их гаргаж байна. Жилээс жилд нэмэгдэж байгаа.

Тухайлбал, сонгууль болохтой холбогдуулан халамжийг маш ихээр нэмдэг. Мөн хөрөнгө оруулалт төсвийн зардал дээр маш их ачаалал өгдөг. Эдийн засгийн үр өгөөжтэй төсөл хөтөлбөрүүд бага орж ирж байна. Өрийн хэмжээ жилээс жилд нэмэгдэж байна. Өрийг үе шаттайгаар бууруулах ажлыг сайн хийх хэрэгтэй" хэмээн онцлов. 

Б.Жаргал