БАРИМТ 1
Дирк Вернер Новицки нь 1978 оны зургаадугаар сарын 19-нд Баруун Германы Бөцбүрг гэх хотод мэндэлсэн.
БАРИМТ 2
Бага байх үеэсээ л спортоор хүмүүжсэн бөгөөд түүний ээж нь мэргэжлийн сагсанбөмбөгийн тамирчин байсан бол түүний аав нь Германы гандболын шигшээ багийн тамирчин байжээ. Мөн түүний эгч нь хөнгөн атлетикийн тамирчин байснаас гаднаа сүүлд сагсанбөмбөгийн тамирчин болж одоогоор NBA-ийн олон улсын телевизэд ажилладаг.
БАРИМТ 3
Хүүхэд байхдаа үеийнхнээсээ хамаагүй өндөр байсан тэрээр анхандаа теннис болон гандболын спортуудаар хичээллэж улмаар Теннисийн спортоор Германы өсвөрийн тамирчид дунд нэлээн нэр хүндтэй болж байсан. Түүний хамгийн дуртай спорт нь сагсанбөмбөг бус теннис юм.
БАРИМТ 4
15 наснаасаа эхлэн Гешвиндер гэх дасгалжуулагчийн удирдлага дор сагсанбөмбөгөөр хичээллэж эхэлсэн. Улмаар түүнийг 16 нас хүрэх үед нь дасгалжуулагч түүнээс “Дэлхийн шилдгүүдийн эсрэг тогломоор байна уу? Эсвэл Германы баатар болж үлдмээр байна уу?” хэмээн асууж хэрвээ хоёр дахь сонголтыг сонговол цаашид бэлтгэл хийхгүй байсан ч хэн ч чамайг энд зогсоож чадахгүй харин эхний сонголтыг сонговол маш эрчимтэйгээр өдөр бүр бэлтгэл хийх хэрэгтэй хэмээн хэлж Новицки ч эхний сонголтыг сонгосноор сагсанбөмбөг түүний бүхий л ертөнц болон хувирсан.
БАРИМТ 5
Нутгийнхаа лигт амжилттай дөрвөн улирлыг үдсэнийхээ дараагаар 1998 оны драфтын багт 1-р тойргийн 9 дэх сонголтоор "Милуоки Бакс" багт сонгогдсонч тэр даруйдаа "Даллас Маверикс" баг руу солигдсон.
БАРИМТ 6
Түүний уг оролцсон солилцоогоор одоогийн "Брүүклин Нетс" багийн ахлах дасгалжуулагч Стив Нэш мөн "Даллас Маверикс" багт нэгдсэнээр тэд маш дотны найзууд болсон.
БАРИМТ 7
Тэрээр 213 см өндөртэй байсан бөгөөд хүчний довтлогчийн байрлал дээр 41 дугаартай тоглодог байсан.
БАРИМТ 8
Түүний рүүки улиралд 1988-1999 оны NBA-н ажил хаялт тохиолдож лиг 1-р сар хүртэл эхлээгүй тул нутаг буцаж 13 тоглолтод оролцоод амжсан. Гэвч лиг буцан нээгдэж улирлын тоглолтууд хэвийн өрнөж эхлэх үед Диркийн хувьд улирлыг 20.4 минутад 8.2 оноо, 3.4 самбараас бөмбөг авалт гэх таагүй амжилттайгаар өндөрлүүлсэн. Мөн түүний хамгаалалт маш муу байснаас шалтгаалж үзэгчид түүнийг маш ихээр доромжилж байсанд сэтгэлээр унасан Дирк тус улиралдаа NBA-г орхиж Герман руу буцах тухай нэлээдгүй удаа бодож байсан гэдэг.
БАРИМТ 9
Тэрээр Стив Нэшээс гадна супер од тоглогчтой тоглож байгаагүй бөгөөд үргэлж багийн хамгийн чухал тоглогч байсаар ирсэн. Мөн төвийн довтлогчоос гадна төвийн тоглогч болон жижиг довтлогчоор тоглох ч үе ч түүнд байсан.
БАРИМТ 10
Дирк нь хэдийгээр Герман хүн болов ч шар айргийг огт таашаадаггүй нэгэн.
БАРИМТ 11
NBA-д нэг багийнхаа төлөө 21 жил тоглосон цор ганц тоглогч. Мөн 21 жилийнхээ замналдаа хоёрхон удаа трипл дабль үзүүлж байсан.
БАРИМТ 12
Түүний түүх болон замналын тухай ном болон баримтат кино хийгдсэн нь түүний нэр хүндийг илтгэнэ.
БАРИМТ 13
2010 онд өөрийн эхнэр болох Жэссикатай буяны үйл ажиллагаан дээр танилцаж одоогоор гурван хүүхдийн эцэг эх болоод байна. Жессика нь Швед хүн бөгөөд хоёр ихэр мэргэжлийн хөлбөмбөгийн тамирчин дүү нартай.
БАРИМТ 14
Түүний дундын зайн үсрэлттэй шидэлтүүд нь тухайн цаг үедээ хамгаалах боломжгүй довтолгоонуудын нэгээр зүй ёсоор нэрлэгддэг байсан.
БАРИМТ 15
21 жилийн туршид бүх оддын тоглолтод нийт 2002 оноос 2019 онуудын хооронд нийт 14 удаа сонгогдож байсан.
БАРИМТ 16
2000 онд "Даллас Маверикс" багийн эзэд солигдож багийн уур амьсгал мөн ирээдүйн бодлого өөрчлөгдсөнөөр Дирк хоёр дахь улиралдаа огцом сайжирч 35.8 минутад 17.5 оноо, 6.5 самбараас бөмбөг авалт, 2.5 оновчтой дамжуулалт гэх үзүүлэлттэйгээр MIP буюу амжилт нь хамгийн их сайжирсан тоглогчийн шагналын санал хураалтад хоёрдугаар байранд жагссан.
БАРИМТ 17
Жил өнгөрөх тусам багийн түлхүүр тоглогчийн үүргийг гүйцэтгэсээр 2004 он гэхэд багийн лидер тоглогч болсон байлаа.
БАРИМТ 18
2005-2006 оны улиралд NBA-н финалд анх удаа шалгаран гарсан Дирк Новицки "Миами Хит" багтай нүүр тулан тоглосон. Эхний 2 тоглолтод ялалт байгуулан давуу талыг "Даллас Маверикс" авсан ч Дирк Новицкигийн тааруу тоглолтоос шалтгаалан дөрөв дараалан ялагдал хүлээснээр лигийн хоёрдугаар байранд жагсан улирлыг дуусгасан.
БАРИМТ 19
Тус улирлын дараагаар Дирк зогсоогдошгүй байж лигийн үнэ цэнэтэй тоглогчоор анх удаа нэрлэгдсэн. Уг шагналыг хүртэхдээ өөрийн дотны найз Стив Нэшийг 100 саналын илүүтэйгээр ялсан.
БАРИМТ 20
2010-2011 оны улиралд дахин нэг удаа аваргын төлөөх цувралд шалгаран гарсан ч тэдний эсрэг бүх одод Леброн Жеймс болон Крис Бош нараар багаа хүчирхэгжүүлсэн "Миами Хит" баг зогсож байв. Маш өрсөлдөөнтэй цувралын дараагаар 4-2 харьцаатайгаар ялалт байгуулснаар "Даллас Маверикс" баг түүхэн дэх анхныхаа аваргын цомыг хүртсэнээс гадна Дирк Новицки финалын үнэ цэнэтэй тоглогч болсон.
БАРИМТ 21
2018-2019 оны улирлыг багийнхаа хамт өнгөрөөснийхөө дараа сагсанбөмбөгийн спортоос тамирчны хувиар албан ёсоор зодог тайлсан.
БАРИМТ 22
Шигшээ багийнхаа хамтаар тэмцээн уралдаанд цөөнгүй оролцсон тэрээр 2002 оны ДАШТ-ий үнэ цэнэтэй тоглогчоор шалгарч байсан удаатай.
БАРИМТ 23
2021 онд NBA-н 75 жилийн ойгоор гаргасан лигийн бүх цаг үеийн шилдэг 75 тоглогчдын жагсаалтад багтсан.
БАРИМТ 24
Одоогоор Дирк Новицки нь төрөлх "Даллас Маверикс" багтаа зөвлөхөөр ажиллан амьдарч байна.
Сэтгэгдэл (1)