Коронавиурсний Омикрон хувилбар өчигдөр дотооддоо албан ёсоор бүртгэгдлээ. Дотоодод энэ халдвар бүртгэгдсэнтэй холбогдуулан УИХ-ын гишүүн М.Оюунчимэг цахим хуудастаа байр сууриа илэрхийллээ. Тэрбээр “Угаасаа шинэ жилийн өмнө гарсан даа. Гэнэт тархсан юм мэт ярихаа болих хэрэгтэй. Зүгээр л тайван бэлэн байдлаа хангацгаая. Гол нь маскаа тогтмол зүүж олон нийтийн газар шоу цэнгээнээс хол байцгаая. Зайгаа барьцгаая! УОК, ЭМЯ сүржигнэх хэрэггүй” хэмээв.