Улаанбаатар хотын агаарын чанар жил ирэх тусам улам бохирдож, хүхэрлэг хийн хэмжээ нь зөвшөөрөгдөх түвшнээс давсан. Энэ бүхнийг шийдэхийн тулд олон арван төсөл хөтөлбөрүүд хэрэгжүүлдгийн нэг нь шахмал түлш. Бас л энэ бүхнийг хэвийн хэмжээнд нь аваачихын тулд олон арван бүтэц ажиллуулан төсвийн болоод төслийн мөнгөөр цалинжуулдгийн нэг нь Нийслэлийн агаар, орчны бохирдлын асуудал хариуцсан төслүүдийг хариуцсан нэгж. Энэ төслүүдийг хариуцсан нэгжийн удирдагчаар Нийслэлийн орлогч дарга Д.Ихбаяр ажилладаг. Нэг ёсондоо нийслэлийн агаарын чанарыг сайжруулах үүргийг энэ хүн хүлээдэг гэсэн үг. Ийм үүрэг хүлээдэг албан тушаалтан агаарын чанарын талаар сэтгүүлчийн асуултад хариулахдаа бараг л “Агаар бохирдуулахгүйн тулд гал түлэхээ больцгоо” гэх ухааны зүйл ярьж. Түүний хэлснийг яг үгээр нь сонирхуулъя. “Агаарын чанар муу байгаа нь, Нгэдүгээрт зуухны чанар муудсан байна. Хоёрдугаарт, манай айл өрхүүдийн галлагаа буруу байна. Уугилт их байна. Гуравдугаарт, хямдралтай байгаа учраас түлэлт их байна. Иргэд илүү их түлээд байна.” Гэж сэтгүүлчийн асуултад хариулжээ. Гэр хорооллын иргэд агаар бохирдуулахгүйн тулд гал түлэхгүй хөлдөж үхэцгээх үү, Д.Ихбаяр дарга аа.

С.Сүлд