Хууль зүйн байнгын хороон хуралдаан үргэлжилж байна. Тус хуралдаанаар гишүүд асуулт хариулт явууллаа. УИХ гишүүн Н.Алтанхуяг дараах хуралдаанаар ингэж хэллээ:

ХЗБХ-ны дарга С.Бямбацогтын компанийн захирлаар ажиллаж байсан Д.Дэлгэрсайхан одоо Улсын бүртгэлийн газрын даргаар ажиллаж байна. Мэдээлэл технологийн чиглэлийн мэргэжилтэй хүн. Энэ хүний доор ажилладаг хүмүүсийн үйлдсэн зохион байгуулалттай гэмт хэрэг.  Хуулийн этгээдийн газрын дарга Ганзориг, ахлах хяналтын ахлах Ж.Чиймаа, хяналтын байцаагч Д.Чинтулга гэх хүмүүс бий. Харин ажлын хэсэг энэ зохион байгуулалттай гэмт хэргийг шалгаж тогтоох ёстой байсан. шүүхийн процесст очихгүйгээр улсын бүртгэлийн газарт шийдэгдэх ёстой байсан асуудал. Гэтэл Д.Чинтулга дүгнэлтдээ “Ардчилсан намын тамгыг өгөхгүй байгаа асуудал нь тус газрын чиг үүрэгт хамаарахгүй, тиймээс холбогдох хууль хяналтын байгууллагад хандана уу” гэсэн хэрнэ Ардчилсан намын тамга тэмдгийн дугаарыг хүчингүй болгох гээд дүгнэлтээ гаргасан. Гэтэл тус буруу шийдвэрийг Д.Дэлгэрсайхан хүчингүй болгодог. Ямар нэг шүүх дээр очихгүйгээр шийдвэрлэгдэх ёстой байсан асуудлыг зориуд хоёр тамга, хоёр Үндэсний бодлогын хороо, хоёр даргатай болгосон. Д.Дэлгэрсайхан гадаадын компанийн тамгыг хоёр болгодог асуудлаар Авилгатай тэмцэх газарт шалгагдаж байгаа. Энэ хэргүүдийг гүйцээж шоронд явуулах ёстой. Хэрэв МАН энэ хэрэгт холбогдохыг хүсэхгүй байвал эдгээр хүмүүсийг хамгаалалгүй явуул” гэв.

Т.Мөнхжаргал