Хууль зүйн байнгын хорооны хурал болж байна. Хурлаар АН-ын тамганы асуудлыг хэлэлцэж байна. Энэ үеэр УИХ-ын гишүүн Д.Ганбат асуулт асууж, үг хэлэв. Тэрбээр “Би Н.Алтанхуяг гишүүнд их харамсаж байна. Та 2020 оны сонгуульд бие дааж орж ирсэн. Хуулиараа та Ардчилсан намыг төлөөлөх ямар ч эрхгүй. Сонгуульд өрсөлдөхдөө л бодох байсан юм. Төрийн байгууллагууд дээр очоод дарамтлаад байж болохгүй. Н.Алтанхуягийг дэвшүүлнэ гээд байсан. Би болдоггүй юм аа гэж хэлсэн. Женкогийн заавраар явна аа л гээд байсан.

Их ноцтой зүйл ярьж эхэлж байна. Ерөнхийлөгчийн сонгууль, УИХ-ын нөхөн сонгууль ямар гар хөлийн үсгээр явсан бэ. Ямар тамга тэмдгээр явсан бэ. Энэ хоёр сонгууль чинь хүчингүй болвол сонгогдсон хүмүүс чинь эргэлзээтэй байдалд орно. Та нар хууль биелүүлж ажиллах ёстой. Энэ улс орныг мөхөл рүү нь явуулахгүй шүү, нөхдүүд ээ” хэмээн хэллээ.

Б.Жаргал