Хууль зүйн байнгын хорооны хуралдаан болж байна. Энэ үеэр УИХ-ын гишүүн Д.Цогтбаатар үг хэлж, асуулт асуулаа. Тэрбээр “Монголын улс төрийн тогтолцооны байж байгаа царай нь энэ. Хутгалдсан хүмүүс нь энд гоё зүйл яриад сууж байна. Энэ хутгасан бантандаа тавтай морилцгоо. Ц.Мөнх-Оргил та ямар үр дүн, шийдвэр хүссэн юм. Гарах ёстой үр дүн нь гарчихаад байна. Юу гэвэл энэ чинь хаашаа ч хөдөлж чадахгүй. Энэ улс төрийн танхим, шүүхийн танхим биш. Бидний үзэл бодлыг та нар өөрчлөхгүй, та нарын үзэл бодлыг бид өөрчилж чадахгүй. Яг хоёр талдаа гарчихсан. Гэтэл үүнийг шийдэх гээд суугаад байна. Шийдэж чадахгүй юм. Яг энэ асуудлаар шүүхийн процесс явж байхад, УИХ хэлэлцээд сууж байна. Энд дуудаж авчирчихаад загнаж, дарамталж болохгүй. Хэрэг хуучирдаггүй гэхчлэн дарамталж байна. Шүүх асуудлаа шийдэж байхад үүний хажуугаар УИХ хэлэлцэж болохгүй” гэлээ.

Д.Батчулуун