2022 оны нэгдүгээр сарын 13-ны өдрийн байдлаар Коронавирусын халдварын эсрэг дархлаажуулалтын хувийг танилцууллаа. Нийт хүн амын 69,7 хувь буюу 2,2 сая иргэнийг нэгдүгээр тунд, 66,6 хувь буюу 2,1 сая иргэнийг хоёрдугаар тунд хамруулсан байна.
Дархлаа сэргээх нэмэлт тунгийн дархлаажуулалт өнгөрсөн найман сараас эхлээд үе шаттайгаар зохион байгуулагдсан. Одоогоор гуравдугаар тунд 955 мянган иргэн дархлаажуулалтад хамрагдсан байна. Тухайлбал, зорилтот бүлгийн 49,2 хувь, нийт гуравдугаар тунд хамрагдах ёстой хүн амын 29,4 хувийг тус тус хамруулжээ. Эрүүл мэндийн сайдын 2022 оны нэгдүгээр сарын 5-ны өдрийн тушаалаар дархлаа сэргээх дөрөвдүгээр тунгаар зорилтот бүлгийн хүн амыг дархлаажуулах ажлыг улсын хэмжээнд эхэлсэн. Дөрөвдүгээр тунд одоогийн байдлаар 20 мянган иргэдийг хамруулсан байна. Вакцинжуулалтад 60-79 хүртэл насны бүлгийн иргэд хамгийн өндөр буюу 90-ээс дээш хувь хамрагдсан байна.
Харин 18-22 насны бүлгийн иргэд нэг, хоёр, гуравдугаар тунгийн хамрагдалт муу байгааг мэдээллээ. Мөн аймаг орон нутагт өөрсдийн төлөвлөлтийн дагуу дархлаажуулалтаа хийж байна. Нийт 21 аймгийн дийлэнх нь 71-с дээш хувь нь дархлаажуулалтын 50-с дээш хувь нь хамрагджээ.
Д.Батчулуун
