УИХ-ын чуулганы нэгдсэн хуралдаан болж байгаа бөгөөд МҮОНРТ-ийн Үндэсний зөвлөлийн гишүүнийг чөлөөлөх, гишүүнээр томилох тухай УИХ-ын тогтоолын төслийг хэлэлцэж байна. Энэ үеэр УИХ-ын гишүүн Д.Ганбатын асуултанд нэр дэвшигч Н.Онон ингэж хариулав. Тэрбээр “МҮОНРТ хуулийнхаа дагуу олон нийтийн эрх ашгийн төлөө үйлчилдэг гэх талаасаа хар тамхитай тэмцэх талаар нэвтрүүлэг хийх зайлшгүй шаардлагатай. Гэхдээ хар тамхи хэрэглэсэн уран бүтээлчдийг телевизээр гаргадаггүй байх ёстой гэсэн асуултанд хариулж мэдэхгүй байна. Судлах хэрэгтэй болов уу. Хар тамхи хэрэглээд шүүхээр ял шийтгэл хүлээсэн уран бүтээлч манайханд мэр сэр байдаг" гэв.