УИХ-ын чуулганы нэгдсэн хуралдаан болж байгаа бөгөөд МҮОНРТ-ийн Үндэсний зөвлөлийн гишүүнийг чөлөөлөх, гишүүнээр томилох тухай УИХ-ын тогтоолын төслийг хэлэлцэж байна. Энэ үеэр УИХ-ын гишүүн Д.Сарангэрэл нэр дэвшигчдэд хандаж үг хэллээ. Тэрбээр “Нэр дэвшигчдэд хэлэх үг байна. Ямар газар очиж байгаагаа мэдэж байгаа юу. Тэндэхийн нөхцөл байдлыг судалсан уу. Энэ асуултанд нэр дэвшигч Онон, Жавзандорж хоёул хариулаарай. МҮОНРТ хоёр хуваагдсан гэж гишүүд хэлж байна. Та хоёр аль талд нь орох вэ. Бүрэнбаатар гээд хүү тэнд ажиллах гээд их хичээж байгаа. Гэвч тэрийгээ янз бүрээр бооно, төсвийг нь баталж өгөхгүй. Үндэсний зөвлөлийг хуралдуулахгүйн тулд гадагшаа зугаалсан тохиолдол ч байна” хэмээн хэллээ.