УИХ-ын хуралдаанаар Төрийн албаны зөвлөлийн орон тооны гишүүнийг томилох тухай асуудлаар хэлэлцэж байна. Энэ үеэр УИХ-ын гишүүн Б.Баярсайхан үг хэлж, асуулт асуулаа. Тэрбээр “Төрийн албаны зөвлөлийн таван гишүүний нэг нь эмэгтэй хүн томилогдож байгаад талархалтай байна. Гадаад улс оронд 20 жилийн өмнө пицца зөөдөг монголчуудыг харж байсан. Нэг газраас нөгөөд шилжиж ажилладаг. Тухайлбал, өглөө ажлаасаа хоцроход өөр пицца зөөх ажил бэлэн байдаг учраас нэгээс нөгөөд шилжээд болоод байдаг. Өнөөдөр Монголын төрийн албанд нэг салбараас нөгөө салбарт шилжиж байгаа, ямар нэгэн хариуцлага алдсан мөртлөө түүндээ ямар ч хариуцлага хүлээхгүй байгаа, ажлаас чөлөөлөгдсөнөө харицлага хүлээсэн гэж ойлгодог, хариуцлага хүлээлгэхгүйгээр өөрийн хүсэлтээр юм уу гэдэг тодорхой бус шалтгаануудаар ажлаас чөлөөлж төрийн албыг үнэгүйдүүлж байна. Төрийн албанд хүнд сурталтан, авилагчид, ашиг сонирхлын зөрчилтэй хүмүүсийг үүрлүүлдэг болгочихоод байгаа шүү” гэв.

Д.Батчулуун