Хан-Уул дүүргийн эрүүгийн хэргийн анхан шатны шүүхээс МҮОХ-ны ерөнхийлөгч асан Н.Түвшинбаярт холбогдох эрүүгийн хэргийг нэмэлт мөрдөн байцаалт хийлгэхээр прокурорт буцаасан билээ. Хэргийн материал өчигдөр Хан-Уул дүүргийн прокурорт шилжсэн бөгөөд Н.Түвшинбаяраас өөр хүнийг яллагдагчаар татаагүй байна. Шүүхээс яллагдагч Н.Түвшинбаярт өмнө нь авсан цагдан хорих таслан сэргийлэх арга хэмжээг хэрэг прокурорт очтол хэвээр үргэлжлүүлэхээр шийдвэрлэжээ. Хан-Уул дүүргийн прокурорын газраас Н.Түвшинбаярын цагдан хорих таслан сэргийлэх арга хэмжээг үргэлжлүүлэх хүсэлтийг тус дүүргийн Эрүүгийн хэргийн анхан шатны шүүхэд өнөөдөр ирүүлж, шүүх хүсэлтийг хангалаа.