Түлшний чанар, технологийн талаар Үйлдэрийн технологи хариуцсан ерөнхий инженер мэдээлэл хийлээ. Тэрбээр “Таван толгой түлш ХК баруун, зүүн гэсэн хоёр үйлдвэрлэлийн бүстэй. Тус бүр нийтдээ 22 шугамтай. Үүнээс  17 нь ажиллаж байна. Гурван шугам засвар үйлчилгээ хийлгэх, хоёр шугам нөөцийг хангах бэлэн байдалд байна. Өдөрт 3400 тонн түлш үйлдвэрлэж, иргэдийн эрэлт нийлүүлэлтэд нийцүүлж 600 борлуулалтын цэгээр сайжруулсан шахмал түлш борлуулж байна. Барьцалдуулагч түүхий эд, үндсэн түүхий эд, эрчим хүчний баяжуулсан түүхий эд, шуудай зэргийн хангалттай нөөцийг бүрдүүлэн ажиллаж байна. Таван толгой түлш ХК сайжруулсан шахмал түлшний стандартыг мөрдөж ажилладаг. Үүний орц нормыг эрчим хүчний яамны эрдэмтийн зөвлөлөөр батлуулсан байдаг” гэлээ.

Д.Батчулуун