МАН-ын Удирдах зөвлөлийн хурлаас Байгаль орчин, аялал жуулчлалын дэд сайдад Г.Түвдэндоржийг  томилох саналыг дэмжжээ. Түүнийг дэд сайдаар маргааш болох Засгийн газрын хуралдаанаар томилох юм байна.

Байгаль орчин, аялал жуулчлалын дэд сайдад нэр дэвшигч Г.Түвдэндорж нь МАН-ын НАМЗХ-ын дэд дарга, “Торгоны зам”-ын менежерээр ажиллаж байсан нэгэн. Одоогийн Ерөнхий сайд Л.Оюун-Эрдэнэ НАМЗХ-ын ерөнхийлөгчөөр ажиллаж байгаад АНУ руу суралцахаар явах үед НАМЗХ хоёр хуваагдан энэ нь МАН-ын шүдний өвчин болж байсан. Энэ хагарлын үед Г.Түвдэндорж нь “Хунтайжуудын бүлэглэл” буюу УИХ-ын гишүүн асан Н.Номтойбаяр, УИХ-ын гишүүн Г.Тэмүүлэн нарын бүлэгт багтаж байсан билээ. Харин өөрсдийгөө “Ардын” гэх бүлэгт одоогийн Ерөнхий сайд Л.Оюун-Эрдэнэ, ерөнхий нарийн бичгийн дарга Д.Амарбаясгалан, өнөөдөр Байгаль орчин, аялал жуулчлалын сайдаар томилогдсон Б.Бат-Эрдэнэ, шилэн хэмээх Б.Цогтгэрэл нар багтаж байсан юм.

НАМЗХ-ны тухайн үеийн 31 дүгээр хуралдааны ирцийн мэдээллийг уншигч Танд сонирхуулъя. Энэ хуралдаанд ирсэн хэсэг нь "Хунтайжуудын бүлэг" гэгдэж байсан бөгөөд хуралд оролцоогүй хэсэг нь "Ардын хүүхдүүд" бүлэг хэмээгдэж байв.

С.Сүлд