Засгийн газрын ээлжит хуралдаан болж байна. Энэ хуралдаанаар хэд хэдэн томилгоог хийж байгаа билээ. Шинээр томилогдож байгаа албан тушаалтнуудыг товч танилцуулъя.

Эдийн засгийн хөгжлийн дэд сайд С.Наранцогт. Тэрбээр Сангийн яамны Төрийн нарийн бичгийн даргаар ажиллаж байсан. Өмнөд Солонгост хөгжлийн бодлогоор доктор хамгаалсан.

Байгаль орчин, аялал жуулчлалын дэд сайд Г.Түвдэндорж: Тэрбээр энэ албанд томилогдохоосоо өмнө Сангийн яамны Хөрөнгө оруулалтын газрын даргаар ажиллаж байв. АНУ-д магистр хамгаалсан.

Сангийн яамны Төрийн нарийн бичгийн даргаар томилогдож буй Ж.Ганбат: Ж.Ганбат нь Сангийн яамны Төсвийн бодлогын газрын даргаар ажиллаж байсан бөгөөд өмнө нь Төсвийн бодлогын газрын орлогын хэлтсийн даргаар ажиллаж байв. АНУ-д магистр хамгаалсан.

Хууль зүй, дотоод хэргийн яамны Төрийн нарийн бичгийн даргаар томилогдож буй П.Сайнзориг. Тэрбээр Хууль зүй, дотоод хэргийн яамны Бодлогын газрын даргаар ажиллаж байв. 

Байгаль орчин, аялал жуулчлалын Төрийн нарийн бичгийн даргаар томилогдож буй Э.Баттулга. Э.Баттулга Зам тээвэр, аялал жуулчлалын яамны Аялал жуулчлалын газрын дэд дарга, Нийслэлийн байгаль орчны газрын дарга, УИХ-ын Тамгын газрын дэд даргаар ажиллаж байжээ.

Т.Мөнхжаргал