Инновац, цахим бодлогыг байнгын хорооны тайлангийн хурал болж байна. энэ үеэр УИХ-ын гишүүн Б.Саранчимэг үг хэллээ. Тэрбээр “Бид мэргэжлийн хүмүүс, эрдэмтэд, иргэдтэй хэлэлцүүлэг  хийсэний үр дүнд УИХ-аар хуулиудыг батлуулсан. Эдгээр хуулиудыг цогцоор нь баталснаар цахим шилжилт хийх эрх зүйн орчим бүрдсэн. Төрийн үйлчилгээг цахимжуулснаар авилгагүй, түргэн шуурхай, ил тод, хүнд сурталгүй үйлчлэх сайн засаглалыг бий болгож чадсан гэж үзэж байна. Хамгийн гол нь бидний баталсан хуулиуд хэрэгжих ёстой. Бид үүнд ямар хэрэгжилттэй байна, бусад хуулиудтай хэрхэн зохицож байна гэдэг дээр хяналт тавьж ажиллана” гэлээ.