Энхийг сахиулах ажиллагаанаас ирсэн алба хаагч эхнэрээ хардаж амийг нь хөнөөжээ. Тодруулбал, өнгөрөгч лхагва гараг /2022.01.19/ Баянзүрх дүүргийн дөрөвдүгээр хорооны нутаг дэвсгэрт 05:00 цагийн орчимд эхнэрээ хардалтын улмаас зодож, амь насыг нь хөнөөсөн хэрэг гарчээ. 

Хэрэг гарсан газар цэргийн ... дугаар хотхоны байр байсан бөгөөд нөхөр болох Н 44 настай эрэгтэй нь цэргийн алба хаагч /тэргүүн ахлагч/ цолтой нэгэн байжээ. Тэрбээр энхийг сахиулах ажиллагаанд явж ирээд байх хугацаандаа архидан согтуурч эхнэрээ хардаж зодсоноор тус хэрэг гарсан байж болзошгүй гэв. Одоогоор хэргийг Баянзүрх дүүргийн цагдаагийн хэлтэс шалгаж байна.