Байгаль орчин, аялал жуулчлалын сайд Б.Бат-Эрдэнэ, дэд сайд Г.Түвдэндорж нар  "Таван толгой түлш" ХХК-ийн баруун бүсийн үйлдвэрт өнөөдөр ажиллалаа. Тус компанийн зүүн үйлдвэрийн хажууд нэмж нэг үйлдвэрийг 6 орчим сарын дотор шинээр барихаар боллоо. Шинэ үйлдвэр ашиглалтад ормогц одоо СХД-т ажилллаж буй баруун бүсийн үйлдвэрийн үйл ажиллагааг бүрэн зогсоож, тухайн хэсэгт ногоон төгөл, цэцэрлэгт хүрээлэн байгуулан хөрс, орчны бохирдлыг бууруулах ажлын хэсгийг дэд сайдаар ахлуулан байгуулж өнөөдрөөс ажилдаа шуурхай орохыг чиглэл болгожээ. Мөн эрдэмтэн, судлаачдаас дараах саналуудыг илэрхийлжээ.

• Сайжруулсан түлшний стандартыг яаралтай өөрчлөх
• Монгол Улсад утааны стандарттай болох
• Таван толгой түлш компанийн дэргэд лаборатори байгуулж өгөх
• Судалгаа хийж, туршилт хийж, үүний дараагаар үйлдвэрлэлийг явуулах
• Зүүнбаян төмөр замыг яаралтай ашиглалтад оруулах
• Сайжруулсан түлш үйлдвэрлэх үйлдвэрүүдийн яндангийн стандартыг сайтар барих
• Сайжруулсан түлшийг үйлдвэрлэхдээ түүхий эд болон бусад барьцалдуулагч г.м-ийг сайтар анхаарах
• Үйлдвэрийн зориулалттай болон ахуйн хэрэглээний гэж ангилж стандартаар тогтоох саналуудыг өглөө 

Дээрх саналуудыг үндэслэн Нэгдүгээрт, эрдэмтдийн зөвлөлийг байгуулах.

Хоёрдугаарт, шинээр баригдах шинэ үйлдвэрийг технологийн хувьд шинэчлэн бүрэн автоматжуулах барих хамтарсан ажлын хэсгийг байгуулжээ.