Иргэн Б.Хажидмаа Засгийн газарт тэтгэвэр тэтгэмж нэмэгдүүлэх тухай шаардлага хүргүүллээ. Тэрээр  “Монгол улсын төрийн бодлого юмны үнэ өссөнтэй холбоотой системтэйгээр цалингийн доод хэмжээ, тэтгэвэр тэтгэмж нэмэгдэж байх ёстой. Гэтэл өнөөдөр юмны үнэн өдрөөс өдөрт нэмэгдэж, иргэдийн амьжиргаа доройтсоор байна. Мөн хөгжлийн бэрхшээлтэй иргэдээ хөсөр хаяад удаж байна. Тухайлбал, Хөгжлийн бэрхшээлтэй иргэдийн 188 мянган төгрөгийг цар тахалтай холбоотойгоор 288 мянган төгрөг болгосон. Харин он гараад буцаагаад 188 мянга болгочихлоо. Яагаад төр засаг ийм дээрэлхүү байдаг юм бэ? Хөгжлийн бэрхшээлтэй, ахмад настай иргэдээ төр засаг дээрэлхэж болохгүй. Өнөөдөр Монгол улсын ерөнхий сайдын бодлого буруу явагдаж байна. Иргэдийн амьжиргаа руу гар дүрдэг, цагдаа нар хууль хяналтынхны ажлыг хийлгэдэггүй мөртлөө айлын авдар ухах нь холгүй ийм ажил хийлгэж байна. Төрийн түшээдтэйгээ дайн зарлаад, улсынхаа төсвийг татаад хөгжлийн бэрхшээлтэй, ахмадад настай иргэдийн амьжиргааг дээшлүүлэх шаардлагатай байна. Иймээс шаардлага хүргүүлж байна” гэлээ. Тэрээр Ерөнхий сайд Л.Оюун-Эрдэнэд шаардлага хүргүүлж, шаардлагын хариуг нэгдүгээр сарын 26-с өмнө  өгөхийг шаардлаа. Хэрэв хариу өгөхгүй бол суулт зарлана гэв.