Монгол Улсын баатар Э.Бат-Үүл дөрвөн жилийн ял сонсон цагдан хориод чамгүй удаан хугацаа өнгөрч байгаа. Захидал бичих эрхээ хүртэл хаалгаад байгаа ардчиллын анхны хараацайн нэг Э.Бат-Үүлийг үзэл санааны хоригдол болсон хэмээн хүү нь НҮБ-д хүртэл хандаад байгаа билээ. Түүнийг журмын нөхөд нь эргэж очин, хэвлэн нийтлэх эрхийг нь хүртэл хассан прокурорын шийдвэрт эгдүүцлээ илэрхийлээд буй. Тэгвэл Ерөнхий сайд асан С.Баяр өөрийн сошиал хуудастаа түүний талаар “Үүл шоронд хэвээрээ. Цагаан сараар хар гэрт сууж байх шиг гунигтай юм үгүй. Дээр нь үг хэлэх, хэвлэн нийтлэх эрхийг нь хасч. ОХУ-д шоронд буй Навальный хүртэл гаднын “Тайм” сэтгүүлд ярилцлага өгч болж байна. Манайх чинь ардчиллын индекс энэ тэрээрээ ОХУ-ын урд алхдаг биш билүү” хэмээн сэтгэгдлээ илэрхийлсэн байна.

С.Сүлд