Ардчилсан намаас цаг үеийн асуудлаар мэдээлэл хийв. Нийслэлийн АН-ын дарга Э.Бат-Үүл өөрийн байр сууриа илэрхийллээ.
Тэрбээр "Оросын талаас илтэд манай улсын Бүрэн эрхт байдал, тусгаар тогтнол руу халдаж эхэллээ. Улс орны хэрэгт ийм бүдүүлгээр оролцсон ийм түүх байдаггүй. Ерөнхийлөгч асан Х.Баттулга илтэд өдөөн хатгасан үйл ажиллагаа хийж байна. Өчигдөр нэлээд олон зүйлийн зангилаа харагдлаа.
Д.Сосорбарам руу, яг үнэндээ хэлмэгдэгсдийн хөшөө рүү гурил цацлаа. Би ч сүүлдээ бодсон, И.К.Азизов, В.Путин, Х.Баттулгын шившлэгтэй бодис цацчихав уу л гэж бодлоо.
Монголчууд ингэж доромжлуулахгүй ээ. Хэлмэгдэгсэд эрх чөлөөтэй амьдраарай гэж бидний төлөө амь насаа өргөсөн юм. Бид энэ сарын 25-нд 11:00 цагаас Монгол Улсын тусгаар тогнол, бүрэн эрхт байдлыг үл тоомсорлон халдаж байгаа хүмүүст өөрсдийнхөө эрх чөлөө, хүсэл сонирхлолыг илэрхийлэх гэж цуглаан хийнэ. Энэ цуглаанд ард иргэдээ өргөнөөр оролцохийг хүсч байна" гэв.
А.Сүх
Сэтгэгдэл (44)