Монгол Улсын Ерөнхийлөгч У.Хүрэлсүх хүнсний аюулгүй байдлын асуудлаар мэдээлэл хийлээ. 

Тэрбээр “Цаашид дэлхийн нийтийн хүнсний хангамж, нийлүүлэлтийн доголдол хэдий хүртэл үргэлжлэх нь тодорхойгүй байгаа бөгөөд энэ нь манайх шиг хөгжиж буй улсын хүнсний хангамж, аюулгүй байдалд ихээхэн хэмжээний хохирол учруулж болзошгүй байна. Үүнээс гадна хүнсний бүтээгдэхүүний чанар, аюулгүй байдал, манай улсын үндэсний аюулгүй байдлын тулгамдсан асуудал болоод байна.

Үйлдвэрлэж, импортолж, экспортолж, борлуулж байгаа бүх бүтээгдэхүүн эрүүл чанартай байх ёстой.

Хүнсний аюулгүй байдлыг бүрэн хангасан бүтээгдэхүүн хэрэглэдэг болохыг тулд бид шат шатандаа хяналтаа чангатгаж, стандартаа мөрдүүлж, хүний эрүүл мэнд, амь нас аюулгүй байдалд харшилсан аливаа үйлдэлтэй хатуу тэмцэх ёстой.

Тухайлбал, манай улс хорт хавдарын нас баралтаар дэлхийд тэргүүлж, чанаргүй хоол хүнсээр дамжих өвчний дэгдэлт их байгаа нь манай улсын хүнсний чанар, аюулгүй байдалд аюулын харанга дэлдсэнийг харуулж байна.

НҮБ-ын судалгаагаар манай улсын хүн амын 20 орчим хувь нь хангалттай хэмжээний шим тэжээлтэй хүнсээр хангагдахгүй байгааг онцолсон. Энэ нь хүнсний хангамжаас гадна ажилгүйдэл, ядуурал, өрхийн орлоготой шууд хамааралтай. Тиймээс урьд урдийнхаас илүү хүчин чармайлт гаргаж ажиллах шаардлагатай боллоо.

Монголчууд бид гол нэрийн 19 төрлийн бараа бүтээгдэхүүнийг дотоодоо бүрэн хангаж, хүнсний хувьсгал хйицгээе. Өөрчлөлтийг , өөрөөр хэлбэл малын мах, сүү сүүн бүтээгдэхүүн, хүнсний ногоо, гурил гурилан бүтээгдэхүүн, хүнсний давс, тахианы мах, ургамлын тосоор хүн амын дотоод хэрэгцээг бүрэн хангаж цаашдаа элсэн чихэр, будаа, гахайн мах, жимс жимсгэнээр хангах ажлыг эрчимтэй эхлүүлье. Үүний тулд “хүнсний хангамж, аюулгүй байдал” үндэсний хөдөлгөөнийг орон даяар эхлүүлэх санаачилгыг дэвшүүлж байна.

Т.Мөнхжаргал