УИХ-ын чуулганы хуралдаанаар Монгол Улсын хөгжлийн 2023 оны төлөвлөгөө батлах тухай тогтоолын төслийг үргэлжлүүлэн хэлэлцэж байна. Энэ үеэр УИХ-ын сайд Г.Ёндон гишүүдийн асуултад хариуллаа. Тэрбээр "Зэсийн баяжуулах боловсруулах үйлдвэрийн техник эдийн засгийн үндэслэлийг БНХАУ-ын төрийн өмчит уул уурхайн компани боловсруулж, хүлээлгэн өгч байсан. 2020 онд УУХҮЯ-ны Эрдэс баялгийн мэргэжлийн зөвлөлөөр ороод туршилтын үйлдвэр хийж байж, тодотгох шаардлагатай гэсэн чиглэл өгсөн. Үүний хүрээнд БНХАУ-ын компанитай мөн Шинжаан Уйгурын үйлдвэртэй хамтарсан туршилтын үйлдвэрийн ажлыг эхэлсэн. Өнгөрсөн арванхоёрдугаар сард дуусах ёстой байсан ч ковидтой холбоотойгоор хойшилсон. Ирэх наймдугаар сард үр дүн гарчих болов уу гэж хүлээж байна. Техник эдийн засгийн үндэслэлд тодотгол хийсэн байгаа. Тодотгол хийгээд УУХҮЯ-нд хүлээлгээд өгчихсөн байгаа. Тодотголыг ойрын хугацаанд Эрдэс баялгийн мэргэжлийн зөвлөлөөр хэлэлцэнэ" гэв.
Д.Батчулуун