Нийслэлийн мэргэжлийн хяналтын газраас цаг үеийн асуудлаар мэдээлэлхийлээ. Энэ үеэр Эмээлтэд байрлах "Эм Ди Си Пи" компанийн махны үйлдвэрт хяналт шалгалт хийсэн мэдээллийг Хүнсний аюулгүй байдал, хөдөө аж ахуйн хэлтсийн дарга н.Нямбаатар танилцууллаа.

Тэрбээр “Эм Ди Си Пи” ХХК-ийн эзэмшлийн махны үйлдвэрт хяналт шалгалт хийсэн. Уг шалгалтаар үйлдвэрийн газар дээр тодорхой хэмжээний зөрчил илэрсэн. Агуулахын бүртгэлгүй. Хятад шошготой, гарал үүсэл нь тодорхойгүй цагаан өнгийн бодисыг хэрэглэж байсан нь илэрсэн.

Тиймээс уг бодисыг хэрэглэсэн ус, махнаас дээж авч лабораторид шилжүүлсэн. Нийт 11 төрлийн шинжилгээ авсан. Шинжилгээний хариу эхнээсээ гарч байгаа. Гэхдээ шинжилгээний хариу бидний гар дээр ирээгүй. Мөн компанийн эзэмшигч хэн бэ гэдгийг манай байгууллага шалгадаггүй. Хятад руу гаргах гэж байсан мах мөн эсэхийг асуусан. Гэтэл дотооддоо борлуулж, түгээнэ гэж хэлээгүй. Ямартай ч хаяг шошгогүй бодис хэрэглэж байсан дээр нь Зөрчлийн тухай хуулиар зөрчлийн хэрэг нээнэ. Өмнө нь Эмээлт орчим дахь махны үйлдвэрүүдэд хяналт шалгалт хийсэн. Шалгалтаар ариун цэвэр хангахгүй зэрэг олон зөрчил илэрч байсан. Махны үйлдвэрүүд дандаа хятадын хөрөнгө оруулалттай байсан. Үүнийг нь ч бид өмнө нь мэдээлж байсан" гэв. 

Д.Батчулуун