Эдийн засгийн байнгын хорооны хурлын үеэр УИХ-ын гишүүн Ч.Хүрэлбаатар үг хэллээ. Тэрбээр "Би та нараас Мета гэдэг компани Худалдаа хөгжлийн банк хоёрын хооронд гэрээ байгаа юу гэдгийг зөндөө асуусан. Та нар тайлбар өгөхгүй явсаар одоо тэр зөвшөөрлийг өгчихсөн юм байна гэж ойлгосон. Метагийн бичиг нь надад байна. Мета бол гэрээний тухай юу ч яриагүй байна лээ. Харин худалдаа хөгжлийн банктай ямар нэг гүйлгээ, мөнгө шилжүүлсэн зүйл байхгүй гэдэг зүйл бичсэн байна. Гэрээг үгүйсгээгүй байхад яагаад зөвшөөрлийг нь өгчихсөн юм бэ.

Үндсэндээ Б.Лхагвасүрэн чи өөрийн саналаараа ажлаасаа татгалзсан нь дээр. 3,4 сая хүний амьдралыг чи там болгож байна. Бизнесүүдэд доллар олдохгүй, доллараар бизнес эрхлэх боломжгүй. Ийм байдалд оруулж байна.

Тэгээд цаана нь хулгай хийж байна. Монгол улсын хуулийг зөрчиж байна. Ингэж болохгүй. Эдийн засгийн байнгын хороо ажлаа хийх гээд мэдээлэл хүсээд байхад мэдээллийг өгөхгүй байлгаж байгаад сая зөвшөөрлийг нь өгчихсөн. Энэ бол хулгай, хууль зөрчсөн үйл ажиллагаа шүү. Эдийн засгийн байнгын хороо, түүнээс гараад ажиллаж байгаа ажлын хэсгийг “Түй май” гэсэн салаавч л үзүүлж байна. Яасан их эрх мэдэлтэй байна аа. Яасан их бяртай байна аа. Болж байна гэж бодож байна уу” гэв.

Д.Батчулуун