Эх үрсийн баяр буюу олон улсын хүүхдийн эрхийг хамгаалах өдөр маргааш тохиох гэж байна. Энэхүү өдөр бяцхан хүүхдүүд, дүү нараа баярлуулахаар төлөвлөж байгаа томчууддаа зориулж ХААНА, ЯМАР үзвэр болох талаар дэлгэрэнгүй мэдээллийг хүргэе.
- “Мэлхий гүнж” хүүхдийн жүжиг
Хаана: РЦНК, Орфей театр
Хэзээ: 2022.тавдугаар сарын 30- зургаадугаар сарын 10
Тайлбар: Орфей театрын зүгээс хүүхэд багачууддаа "Монголын хүүхдийн эрхийг хамгаалах өдөр"-ийг тохиолдуулан 6+ насны үзэгчиддээ зориулж "МЭЛХИЙ ГҮНЖ" жүжгийг 2022 оны 5-р сарын 30-наас 6-р сарын 10-ны хооронд Оросын Шинжлэх Ухаан Соёлын төв (РЦНК)-д тоглоно.
Тус жүжиг Орос ардын 10 гаруй үлгэрээс сэдэвлэсэн, 20 гаруй дүртэй бөгөөд Монгол болоод дэлхийд танигдсан Орос ардын үлгэрүүдийн өгүүлэмж, гоозүйн давтагдашгүй агуулга, сургамжуудыг нэгэн жүжигт зангидан сүлжсэнээрээ онцлог юм.
Энэхүү хүүхдийн жүжиг нь театрын урлагийн уран сайхны төсөөллөөр дамжуулан хүүхдийн гоо зүйн мэдрэмжийг хөгжүүлэх, ирээдүйн урлагийн боловсролтой театрын үзэгчдийг бэлтгэх зорилгын нэг хэсэг юм.
Тасалбар: 20.000 төгрөг /Тавдугаар сарын 25 хүртэл 3+1 тасалбарын урамшуулал зарлажээ/
- “Тангарагт Хаан” хүүхдийн драмын жүжиг
Хаана: The Corporate Hotel and Convention Centre
Хэзээ: 2022 оны зургаадугаар сарын 1
Тайлбар: Эрдэнэт хотын Хүүхэд залуучуудын театрийн хамт олон хүүхэд багачууддаа зориулан “Тангарагт Хаан” хүүхдийн драмын жүжигээ тавихад бэлэн болжээ.
Тасалбар: 50,000 төгрөг
- Пинотой цирк /Монгол циркийн тоглолт/
Хаана: Үндэсний цэцэрлэгт хүрээлэн
Хэзээ: 2022 оны зургаадугаар сарын 1, 4, 5
Тайлбар: Хүүхдийн баярт зориулж, Пинотой Цирк Үндэсний цэцэрлэгт хүрээлэнгийн Зуны Цирк асарт ирлээ. Монголын циркийн шилдэг үзүүлбэрүүд:
- Ponyийн үзүүлбэр
- Морьтны гайхамшиг
- Цагирагаар наадагч
- Хөгжилтэй алиалагчид
Тасалбар: 20,000 төгрөг
- Нандин баяр
Хаана: Улаанбаатар театр
Хэзээ: 2022 оны зургаадугаар сарын 1
Тайлбар: “Нандин баяр” хүүхдийн баярын тоглолтод ирснээр: Хүүхдийн хоёр жүжигчилсэн тоглолт үзэж, Хүүхдийн хайртай таван уран бүтээлчийн дууг сонсож, Циркийн үзүүлбэр, Үлгэрийн баатруудын мэндчилгээ, Алиалагчийн үзүүлбэрүүдийг нэг дор үзэх боломжтой.
Тасалбар: 29,000 төгрөг
- “Миний цэцэн хурга” хүүхдийн дуулалт жүжиг
Хаана: Ган зам палас
Хэзээ: 2022.05.31, 06.01
Тайлбар: Энэхүү хүүхдийн бүтээл нь Монголын ахуй амьдралыг түүхэн уламжлалт өв соёлтой хослуулан хүүхдийн сэтгэхүйн онцлогт таарсан хэлбэрээр, хүн байгаль, амьтдын хоорондын харилцаа, ахуй байдал, ёс заншил зэрэг үйл явдлыг дуулалт жүжгээр илэрхийлсэн тайзны бүтээл юм. Таван хошуу мал, амьтнаар дамжуулан хүүхэд багачуудад ахмад буурлынхаа үгийг сонсох, аливаа зүйлийг арга ухаан, ухамсар сэтгэхүйгээрээ тунгаах, амьтай бүхнийг энэрэнгүй нинжин сэтгэлийн ач тусын тухай өгүүлэх юм.
Насны ангилал: 4+
Тасалбар: 10.000 төгрөг
- “Үзэсгэлэнгоо ба Жонон” хүүхдийн жүжиг
Хаана: Зайсан хилл цогцолбор
Хэзээ: 2022.05.31, 06.01,04
Тайлбар: Үзэсгэлэнгоо ба Жонон хүүхдийн жүжиг ердөө гурван өдөр 11:00, 13:00, 15:00, 17:00 цагуудаас тус тус тоглоно.
Насны ангилал: 5+
Тасалбар: 35.000 төгрөг
- “Циркийн ертөнцөөр троллууд” шоу тоглолт
Хаана: Монгол бөхийн өргөө
Хэзээ: 2022.05.31, 06.01
Тайлбар: Эмоци продакшн, Мөрөөдлийн театрын залуу уран бүтээлчид, Циркийн шилдэг үзүүлбэрүүд хамтарсан шоу тоглолтыг бяцхан үзэгчиддээ толилуулж байна.
Насны ангилал: 5+
Тасалбар: 30.000 төгрөг
- “Зуузуугийн найзууд хүүхдийн баярыг аварсан нь”
Хаана: UB palace
Хэзээ: 2022.06.01
Тайлбар: Өхөөрдөм бяцхан зуузуу нь үзэгч багачууд та бүхэндээ зориулж өөрсдийн албан ёсны оюуны бүтээл "Зуузуугийн найзууд хүүхдийн баярыг аварсан нь" жүжигчилсэн тоглолтыг толилуулах гэж байна. Тасалбар бүрт Хүүхдийн баярын амтат бэлэг, Зуузуу таблет22-ийг 10% хөнгөлөлттэй авах эрх, Зуузуу апп-ыг 3 сар үнэ төлбөргүй ашиглах эрх, Зуузуугийн ертөнцийг өнгөт болгоё буддаг ном бэлэглэнэ.
Насны ангилал: 3+
Тасалбар: 25.000, 30.000 төгрөг
