Засгийн газрын ээлжит хуралдаанаар гарсан шийдвэрийг танилцуулж байна.Энэ үеэр Ерөнхий сайдын хэвлэлийн төлөөлөгч Болортуяа мэдээлэл өглөө. Тэрбээр "УИХ-аас Гаалийн албан татвараас чөлөөлөх тухай хуулийг 2022 оны дөрөвдүгээр сарын 29-нд баталсан. Тус хуулийн хүрээнд элсэн чихэр, ёотон, цагаан будаа, хүнсний, ургамлын тосны хангамж, нөөц үнийг тогтворжуулах нөхцөл бүрдсэн. Импортын гол нэрийн хүнсний бүтээгдэхүүний гаалийн албан татварийг чөлөөлнө. Ингэснээр жижиглэн худалдаалж буй элсэн чихэр, ёотон, ургамлын тос, цагаан будааны үнэ 4-7 хувиар буурах урьдчилсан тооцоо байгааг ХХААХҮ-ийн сайд З.Мэндсайхан танилцуулсан" гэв.