БАРИМТ 1
Арабын Нэгдсэн Эмират улс нь 83,600 хавтгай дөрвөлжин километр газар нутагтай Ази тивийн баруун хэсэгт байрладаг. Арабын хойгийн зүүн захад оршдог ба Оман болон Саудын Араб улсуудтай хиллэдэг. Харин Персийн булан дахь далайн хилээ Катар болон Иран улсуудтай хуваалцдаг.
БАРИМТ 2
Арабын Нэгдсэн Эмират нь Дубай, Абу Даби, Шаржа, Умм аль-Кайвайн, Фужайра, Ажман, Ра’с аль-Хайма гэх нийт долоон ширхэг эмират болон хот улсуудаас бүрддэг. Эдгээр долоон Эмиратуудыг тус тусынх нь “Эмир” гэх албаан тушаалтай хүмүүс удирддаг ба тэд нийлээд Холбооны дээд зөвлөлийг бүрдүүлдэг.
БАРИМТ 3
Холбооны дээд зөвлөлийн гишүүд Арабын Нэгдсэн Эмиратын ерөнхийлөгч болон ерөнхий сайдыг сонгодог. Тус улс нь парламентын сонгуульт хагас үндсэн хуульт хаант засаглалтай ба одоогийн төрийн тэргүүнүүдийг нь Мухаммад ибн Заид Аль Нахайян (ерөнхийлөгч), Мохаммед ибн Рашид Аль Мактум (ерөнхий сайд, дэд ерөнхийлөгч, батлан хамгаалахын сайд) гэдэг.
БАРИМТ 4
Арабын Нэгдсэн Эмиратын нийт хүн ам нь 9.3 сая бөгөөд тэдий 35 хувийг нь энэтхэг, 15 хувийг нь уугуул эмират, 10.7 хувийг нь бангладеш, 9.7 хувийг нь пакистан, 8.8 хувийг нь египет, 5.5 хувийг нь филиппин хүмүүс бүрдүүлдэг. Ерөнхийдөө тус улсын нийт хүн амын ихэнх хэсгийг дэлхийн 200 гаруй орноос гаралтай дүрвэгчид бүрдүүлдэг гэсэн үг.
БАРИМТ 5
Харин шашны хувьд тэдний 76 хувь нь ислам, 9 хувь нь христ, 8 хувь нь хинди шашныг шүтдэг бол улсын албан ёсны шашин бол исламын шашин. Улсын нийслэлийг Абу Даби гэдэг бол хамгийн том нь Дубай. Мөн албан ёсны хэл нь араб хэл боловч олон орны хүмүүс амьдардаг тул Арабын Нэгдсэн Эмиратад англи хэлийг өргөнөөр ашигладаг.
БАРИМТ 6
Арабын Нэгдсэн Эмират улс нийт газрын тосны нөөцөөрөө дэлхийд зургадугаар байранд, байгалийн хийн нөөцөөрөө дэлхийд долдугаар байранд жагсдаг. Тус улсын анхны ерөнхийлөгч Заед бин Султан Аль Нахайян байгалийн баялгаасаа олсон ашгаа эрүүл мэнд, боловсрол болон дэд бүтцийн салбаруудад ашигласнаар Арабын Нэгдсэн Эмират улс хурдан хугацаанд хөгжсөн.
БАРИМТ 7
Харийн 21-ээр зуунд тус улсын эдийн засаг газрын тос болон байгалийн хий дээр бус аялал жуулчлал болон бизнесийн салбаруудаас нэлээд хамааралтай болсон. Арабын Нэгдсэн Эмиратын одоогийн газар нутаг дээр 125,000 жилийн өмнө хүн төрөлхтөн амьдарч байсан гэх археологийн олдворууд байдаг.
БАРИМТ 8
Арабын Нэгдсэн Эмират улс Арабын хойгийн орнуудын хамт 1498 онд Португалийн, 1622 онд Нидерландын, 1720-оод онд Британийн колони болж байсан удаатай. Харин долоон Эмиратын хувьд 1708-1879 оны хооронд байгуулагдсан бөгөөд 1971 оны арван хоёрдугаар сарын 2-нд тэдний зургаа нь хоорондоо нэгдэж Их Британийн колоничлолоос гарч тусгаар тогтнолоо зарласан.
БАРИМТ 9
Харин уг явдлаас нэг жилийн дараа 1972 онд Рас аль-Хайма Арабын Нэгдсэн Эмират улсад элссэн. Тус улсад байгалийн нуур болон гол гэж байхгүй. Тиймээс тус улсын иргэдийн цэвэр усны нөөцийн нэлээд хэсгийг Хажар уулсын бүсээр ордог ур тунадаснаас болж үүссэн хавцал дахь их хэмжээний ус хангадаг.
БАРИМТ 10
2017 онд робот цагдаа Дубай хотын цагдаагийн албанд элсэн орсон. Уг робот цагдаа эрэн нотлох баримт цуглуулж сурвалжлагдаж буй гэмт хэрэгтнүүдийг илрүүлэх үүрэгтэй. Дубай хотын цагдаагийн газрын мэдэгдсэнээр 2030 онд гэхэд хотынхоо нийт цагдаа нарын 25 хувийг робот болгох зорилготой байгаа гэнэ.
БАРИМТ 11
Дубай хот дахь Палм Жумейра гэх далдуу модны хэлбэртэй хиймэл арлууд үзэмж төрхөөрөө дэлхий нийтэд алдаршсан. Уг арлууд дээр 80,000 хүн зэрэг хүлээн авах багтаамжтай тансаг зэрэглэлийн зочид буудлууд байрладаг. Мөн тус улсад 3D принтерээр хэвлэгдсэн дэлхийн анхны барилга байдаг. Уг барилгыг 17 өдрийн турш хэвлэж гурван сарын турш угсарсан.
БАРИМТ 12
Одоогийн байдлаар дэлхийн хамгийн өндөр барилга гэх амжилтыг эзэмшиж байгаа 828 метрийн өндөртэй Бурж Халифа цамхаг Арабын Нэгдсэн Эмиратын Дубай хотод байдаг. Уг барилга нь мөн л жуулчдын тус улсыг зорих гол шалтгаануудын нэг. Мөн тус улс 2017 онд хиймэл оюун ухаан хариуцсан сайдтай болсон ба уг албан тушаалыг гаргасан дэлхийн анхны улс юм.
БАРИМТ 13
Арабын Нэгдсэн Эмират улс 2020 онд Израиль улстай дипломат харилцаа тогтоосон Персийн булангийн анхны улс болсон. Исламын шашинтай орнууд Израиль-Палестины нөхцөл байдлаас болж Израиль улстай таарамжгүй харилцаатай байдаг билээ. Абу Даби гэх нэрийг араб хэлнээс орчуулбал “Эцэг” болон “Зээр” гэх хоёр утгатай.
БАРИМТ 14
Тус улсын бэлгэ тэмдэг болсон амьтан бол шонхор. Шонхор шувууг барьж тэднийг гаршуулах бол эмиратчуудад уламжлагдан ирсэн ёс заншил юм. Сайн сургагдсан шонхор шувууд 350 сая төгрөг хүртэл үнэлэгдэх боломжтой ба уг улсад шонхор шувуунд зориулсан эмнэлэг хүртэл байдаг.
БАРИМТ 15
Арабын Нэгдсэн Эмират улсын иргэдийн төрөлтийн хэмжээ маш бага. Тус улсад эмэгтэй хүн амьдралынхаа туршид дунджаар 1.4 хүүхэд төрүүлдэг гэх статистик байдаг ба тэд уг үзүүлэлтээрээ дэлхийд доороосоо 14-ээр байранд, Ойрх дорнодод хамгийн сүүлд бичигддэг.
БАРИМТ 16
Арабын Нэгдсэн Эмират улсад дэлхий дээрх жолоочгүй метроны хамгийн урт зам байдаг. Энэхүү Дубай хот дахь метроны улаан зам нь 52.1 километрийн урттай. Дубай хот дэлхийн хамгийн хүчирхэг хотуудын нэгээр зүй ёсоор нэрлэгддэг. 2020 оны дэлхийн хотуудын хүчний индексээр Дубай хот 17-аар байранд бичигдсэн.
БАРИМТ 17
Долоон Эмират дундаас Абу Даби хамгийн их баян нь бөгөөд Арабын Нэгдсэн Эмиратын газрын тосны ихэнх нөөц Абу Дабид төвлөрдөг. Арабын Нэгдсэн Эмират бол Ойрх дорнодын хоёр дахь баян орон. Тэдний урд Катар улс жагсдаг. Мөн дэлхийн хоёр дахь том, Ази тивийн хамгийн том элсэн цөл болох Арабын цөл Арабын Нэгдсэн Эмиратын газар нутгийн дийлэнх хэсгийг бүрхдэг.
БАРИМТ 18
Дэлхийн хамгийн өндөр долоон зочид буудлын зургаа нь Арабын Нэгдсэн Эмират улсынх. Тус улсад 10 олон улсын нисэх онгоцны буудал байдаг бөгөөд тэдний хамгийн том болох Дубайн олон улсын нисэх онгоцны буудал олон улсын зорчигчдын хувьд дэлхий дээрх хамгийн завгүй онгоцны буудлаар зургаан жилийн турш нэрлэгдсэн.
БАРИМТ 19
Дэлхий дээрх хамгийн тансаг машинтай цагдаа нар мэдээж Арабын Нэгдсэн Эмират улсад бий. Тэд Бугатти, Феррари, Бентли, Мерседес, Камаро, Ламборжини гэх мэт зөвхөн их хэмжээний хөрөнгөтэй хүмүүсийн л унадаг машинуудыг энх тайван сахиулан ажлаа хийх үедээ хөлөглөдөг. Мөн Абу Даби бол дэлхийн хамгийн аюулгүй хотуудын нэг.
БАРИМТ 20
Цас ордоггүй халуун орон боловч Дубай хотод дэлхийд хэмжээгээрээ дээгүүр бичигдэх танхим доторх хиймэл цанын бааз байдаг. Дубай хотод албан ёсны хаягжуулалтын систем гэж байдаггүй тул ямар нэгэн юм хүлээж авах үедээ тус хотын иргэд хаягаа газрын зураг дээр тэмдэглэж орхидог.
БАРИМТ 21
Арабын Нэгдсэн Эмират улсад формула нэгийн Гранд При жил бүр зохион байгуулагддаг. Уг Гранд При нь өдрийн цагаар эхэлж шөнө өндөрлөж байсан түүхэн дэх анхны уралдаан болж үлдсэн. Мөн өнгөрсөн үед тэмээний уралдаан тус улсад маш алдартай байсан. Гэвч уг спорт олон улсын хүүхдийн эрхийг хамгаалах байгууллагуудын шүүмжлэлийн бай болсоор байсан тул Арабын Нэгдсэн Эмират улс хүүхэд тэмээ унаж уралдахыг хориглосон.
БАРИМТ 22
Харин тус улсад хамгийн алдартай спорт гэвэл хөлбөмбөг. Арабын Нэгдсэн Эмиратын хөлбөмбөгийн холбоо 1971 онд байгуулагдсан ба шигшээ баг нь 1990 оны ДАШТ-д эрхээ аван оролцож байсан. Тус улсын баг тамирчид 1984 оны Лос Анжелейсийн олимпоос хойш олимпын наадамд оролцсоор ирсэн бөгөөд одоогийн байдлаар 1 алт, 1 хүрэл медалийг хүртээд байна.
БАРИМТ 23
Арабын Нэгдсэн Эмиратын төрийн далбаа улаан өнгийн босоо зураас болон ногоон, цагаан, хар өнгийн хэвтээ зурааснуудаас бүрддэг. Ногоон өнгө нь итгэл найдвар, өөдрөг байдал болон исламын шашныг, цагаан өнгө нь энх тайван болон шударга байдлыг, хар өнгө нь оюун санааны хүчийг, улаан өнгө нь эр зориг болон хүнд хэцүү цаг үеүдийг тус тус бэлгэддэг.
БАРИМТ 24
Абу Дабигаас бусад зургаан Эмиратын сургуулиуд боловсролын яамнаас гаргасан системийн дагуу хичээлээ заадаг. 15-аас дээш насны эмиратчуудын 97.6 хувь нь бичиг үсэг тайлагдсан байдаг. Харин тэдний дундаж наслалт нь 77.97. Эдгээр үзүүлэлтүүд жилээс жилд улам өссөөр байгаа.
Сэтгэгдэл (2)