УИХ-ын чуулганы нэгдсэн хуралдаанаар Үндэсний их баяр наадмын тухай хуульд нэмэлт өөрчлөлт оруулах тухай хэлэлцүүлгийг хийж байна. Энэ үеэр баяр наадамд цол олгох тухай асуудал яригдаж байгаа бөгөөд УИХ-ын дарга Г.Занданшатар Үндсэн хуульд харшилсан зүйл ярихгүй байхыг хүсээд ингэж хэллээ.

Тэрбээр “Нэгдүгээрт энэ асуудал Үндсэн хуультай зөрчилдөнө, хоёрдугаарт Ерөнхийлөгчийн бүрэн эрхэд халдана. Гуравдугаарт, тэгш байх, шударга ёсны зарчимд харшилна. Тэр үед Санжаадамба ч байдаг юмуу, хэн ч байдаг юм цол олгоно гэж байсан бол сумаас ирээд цол авах бодолтой эрхийг хязгаарлана. Тиймээс энэ яриаг ахиж гаргаж ирэх хэрэггүй гэж хүсэж байна. Тэгш шударга ёсны адил тэгш байх зарчим л үйлчилнэ.

Бөхийн холбоо хамаг юм мандуулдагаа болих хэрэгтэй. Нэг хэсэгт нь цол, барилдах эрх сэргээгээд үзэмжээрээ ханддагаа л больчих. Бүх зүйлд тэгш ёсны журмаар адил хандах ёстой” гэв.

Т.Мөнхжаргал