УИХ-н өнөөдрийн чуулган дээр УИХ-н гишүүн Н.Алтанхуяг үг хэллээ. Тэрбээр "Ард түмний амьдрал өдрөөс өдөрт уруудаж байна. Цөөхөн хүмүүс байгалийн баялагт эзэн сууж баяжиж байна. МАН, Ерөнхийлөгчийн яриад байдаг баялагтаа эзэн болох, Монгол Улсад шударга ёс тогтооход жишиг болохуйц тогтоолын төслийг Дөрөвдүгээр сарын 14-нд тогтоолын төсөл өргөн барьсан боловч хэлэлцэхгүй хоёр сар боллоо. Энэ тогтоолын төслийг судалж үзээд УИХ-ын гишүүд улсын төсөв дээр зодолддог биш аймаг орон нутаг өөртөө тогтвортой удаан хугацаанд орлого олох эрх зүйн орчныг бүрдүүлж өгөх зорилготой. Энэ тогтоол батлагдвал Орхон аймаг жил болгон 100 орчим тэрбум төгрөгийг олох боломжтой буюу аймгийн 100 мянга гаруй иргэн тус бүр нэг сая төгрөг, Эрдэнэт үйлдвэр 100 тэрбум төгрөг олоод байх боломжтой. Иргэдэд байгалийн баялагаас зөв хуваарилъя гэхээр бэлэн мөнгө өгч, идэж ууж гаргадагийг зогсоох зорилгоор ногдол ашгийг гурван зүйлд зарцуулна гэсэн. Үүнд, орон сууц худалдаж авах, эмнэлгийн үйлчилгээ болон төлбөр төлөхөд, хүүхдийн сургалтын төлбөр төлөхөд зарцуулж болно гэсэн тогтоолын төслийг өргөн барьсан юм. Иргэдийн амжиргааг дээшлүүлэхэд улсын төсөв дээр зодолддог биш орон нутагт нь тэр их байгалийн баялагийн хажууд 30,40 жил болчихоод гэр хороололд гадаа бие засаад сууж байх 21 дүгээр зууны Монгол баймааргүй байна" гэв.

Т.Мөнхжаргал