Ардчилсан нам мэдээлэл хийлээ. Энэ үеэр АН-ын Ерөнхийн нарийн бичгийн дарга Ч.Өнөрбаяр үг хэлэв. Тэрбээр "Ерөнхий сайд Л.Оюун-Эрдэнэ өөрөө гарч ирж, ажлаа сайн хийнэ гээд залуучуудын жагсаалыг тараасан. Энэ хүмүүс ажлаа дэндүү сайн хийсэн учраас бензиний үнэ сүүлийн байдлаар 300 төгрөгөөр өслөө. Найман сард эрчим хүчний үнэ нэмэгдэх гэж байна. Араас нь орон сууцны зээлийн төлбөрөө төлөх гээд ачаа нэмэгдэх гэж байгаа. Эрх баригчид ард түмний амьдралыг доройтуулж ажлаа сайн хийлээ гэж харж байна. Сонгуулиас сонгуулийн хооронд амьдарсаар байгаад Монголын ард түмэн туйлдаж гүйцлээ. Та нар УИХ-ын гишүүдээ үндсэн хуулийн өөрчлөлтийг дэмжүүлчих гээд хөөгөөд байгаа юм билээ. Танай намын хэдэн гишүүн л цуглана. Ард түмэн та бүхнийг сонгосондоо харамсаж байгаа. Л.Оюун-Эрдэнэ, Г.Занданшатар аа та нар өнөөдөр Монгол улсыг зүүдэлж хонодог байх хэрэгтэй. Монголын төлөө юу хийх вэ гэж хар дарж сэрдэг байх ёстой. Л.Оюун-Эрдэнэ ээ чи намдаа том байж болно. Бид нар ард түмэнтэй нийлээд чамайг шахна шүү. Өнөөдөр чи Монголын төрөөс явах биш, Монгол улсад байх газаргүй болж магадгүй байна шүү. Та нар энэ зургаан жилд юу ч хийгээгүй" гэв.

Д.Батчулуун