“NoDoubleStandard” иргэдийн хөдөлгөөнөөс “Үндэсний гашуудлын өдөр хоёр дахь жилдээ” сэдвээр мэдээлэл хийлээ. Тэдний зүгээс Засгийн газар болон Улсын их хуралд нийт долоон шаардлага хүргүүллээ. УИХ, Засгийн газрын алдаатай шийдвэр, давхар стандарттай холбоотой үйл ажиллагааны улмаас амь насаа алдсан иргэдэд хүндэтгэл үзүүлэх, үндэсний гашуудлын өдрийг хоёр дахь жилдээ иргэдийн санаачлаагаар зохион байгуулж байна. Энэ жил зургаадугаар сарын 25-нд 18:00 цагаас Төв талбайд болно” хэмээн тус хөдөлгөөний гишүүд тайлбарлалаа.

Урбан иргэдийн форумын төлөөлөл Б.Цацрал “Батлан хамгаалах яам, Хууль зүйн сайдаас цэргийн албанд болж байгаа хэрцгий үйлдийг таслан зогсоож, хүний эрхийн үндсэн хуулиа болгохыг хүслээ.   Залуу үедээ хүний эрхийг хамгаалдаг хүний эрхийн мэдлэгтэй байхыг уриалдаг хэдий ч нэг ч арга хэмжээ авч байгаагүй. Цар тахлын үед цэргийн дэглэлтэд гурван хүн амь насаа алдсан. Үүнд нэг ч удаа албан ёсны тайлбар хийгээгүй. Монгол Улсын Засгийн газар, Ерөнхийлөгч У.Хүрэлсүх нэг жил төрийн эрх барихдаа их хэмжээний хүний эрхийн ноцтой зөрчлүүд гаргаж байна. Үүнийг нь шаардаж, сануулсан иргэд залуучуудад ял шийтгэл ноогдуулдаг энэ мэт зүйлсээ болиоч хэмээн уриалж байна.  Иймд бид Сүхбаатарын талбайд үзэсгэлэн гаргаж, хүндэтгэл үзүүлэх зул өргөнө, мөн гашуудлын хар бөмбөлөг хөөргөж төрийн далбааг бөхийлгөнө гэв.

Яагаад энэ өдрийг үндэсний гашуудлын өдөр болгон зарласан бэ? гэвэл цар тахлын улмаас Монгол Улсад нийт 470 тохиолдол гарсан. Цар тахлаас гадна 20 гаруй хүний амь насыг алдана гэдэг үнэхээр харамсалтай. Гол нь энэ алдаагаа ухамсарлаж уучлалт гуйсангүй” хэмээв

М.Балжинням