ЕБС-ын сурагчдын ЭЕШ өнөөдөр Түүх, Англи хэлний хичээлээр эхэлж байна. Улс орон даяар нийт 49 байранд шалгалт үргэлжилж байгаа бөгөөд өнөөдөр өглөөний 10 цагт эхэлсэн Түүхийн хичээлийн ЭЕШ одоо дуусч байгаа юм. БҮТ-өөс шалгуулагчтай холбоотой зарим мэдээллийг хүргэлээ.
Боловсролын үнэлгээний төвийн дарга Л.Ганбат “Сурагчид шалгалтаа өгч гарч ирээд өөрсдийн дүнг мэдэх боломжтой. Өөрөөр хэлбэл шалгалт дууссанаас 10 минутын дараа сурагч өөрийн материалыг шалгагч машинд хийж баталгаажуулснаар газар дээр нь оноогоо мэдэх боломжтой. БҮТ-өөс сурагчдын мэдээлэлийг тухайн өдөрт нь татаж авч улсын хэмцээний нэгдсэн хэмжээст онооруу шилжүүлсэн жагсаалтыг гаргах бөгөөд www.list.eec.mn сайтаар үзэх боломжтой. Өмнө нь ЭЕШ-ын батламжыг цаасан хэвлэлээр тарааж өгдөг байсан бол энэ жил цахимаар олгоно. Иймд энэ сарын 28-наас эхлэн БҮТ-ийн сайтаас цахим батламжаа авах боломжтой. Мөн ТҮЦ машинаас өөрсдийн батламжийг авах боломжтой.
ЭЕШ-ын оноогоор улсын хэмжээний дундаж хэд байхаас шалтгаалж оноо бодогддог. Өөрөөр хэлбэл хичээл тус бүр дээр хамгийн өндөр оноо авсан хүүхэд 800 оноонд тооцогдох зарчим үргэлжилнэ. Тиймээс өмнөх жилийн ЭЕШ-ийн оноотой харьцуулагдаж хэмжээст оноо буурна гэсэн асуудал байхгүй.
Мөн өмнөх ЭЕШ-ийн үеэр БҮТ-ийн ажилчид Монгол хэл, бичгийн шалгалтын хариуг буруу зассан асуудал гараагүй, ташаа мэдээлэл" гэв.
Т.Мөнхжаргал