Хөдөлмөр нийгмийн хамгааллын яамны гадна өрх толгойлсон гурван хүүхдийн ээж өлсгөлөн зарлаж байна. Гэр бүл хүүхэд залуучуудын хөгжлийн газраас тусламж авч чадаагүйн улмаас өлсгөлөн зарлаж буй Г.Байгаль тайлбар хийлээ. Түүний хүүхэд ховор тохиолдох буюу 10 мянгад 20 тохиолдох өвчтэй бөгөөд цар тахлын улмаас хүүхдийн бие хүндэрсэн бөгөөд хүүхдийн эмчилгээ, тусламж үйлчилгээ авахаар төрийн байгууллагаас тусламж хүссэн боловч дэмжлэг үзүүлэхгүй байна” хэмээн тайлбарлаж байлаа.

Тэрбээр “Миний зүгээс Гэр бүл, хүүхэд, залуучуудын хөгжлийн газарт хандаж хүүхдийнхээ эмчилгээ, тусламж үйлчилгээнд тусламж үзүүлээч гэсэн хүсэлт тавьж ГБХЗХГ-ын гадна хоносон.  Тухайн үед Г.Батдорж дарга байхгүй, орлогч дарга Г.Саранхүү дарга байсан. Хүүхэд минь өвдөөд эмнэлэг дээр тариа хийлгэж байхад туслах нь залгаад “Та нийслэл рүү Уранчимэг гэдэг хүнтэй уулзах юм байна” гээд түлхэж байгаа юм. Уранчимэгтэй ярихад Та энэ бодлогоо удирдлагуудтай ярина гээд тасалсан. Эргээд туслахтай нь яриад Г.Саранхүү орлогчийн дугаарыг аваад ярьтал “би Өмнөговиос томилолттой явж байгаад ирлээ, та яагаад хүний хувийн утас руу яриад байна” гэсэн.

Маргааш нь залгаад манай байгууллага төсөв мөнгө багатай байна, ийм тохиолдолд зарцуулах биш хүчирхийлэлд зориулсан тусламжийн сантай гээд бие бие рүүгээ түлхсэн ийм байдалтай байна. Би хаана хандах ёстой вэ? Хүүхдийн фонтын мөнгө гэж байдаг, тэрийгээ эрүүл саруул уралдаад ирсэн хүүхдэд өгнө гээд хөдөлдөггүй. ЭХЭМҮТ-д хэвтсэн нялх хүүхдүүд байрандаа багтахгүй биш эмч нарын хүрэлцээ бага байна. Эм тарианы мөнгө 188 мянган төгрөг, орон сууцаар хангаад өгөөчээ гэж миний зүгээс хүссэн. Эрүүл мэндийн ажилчдын тавьсан шаардлагыг би биелүүлж чадна. Манай гэр бүл гэрт амьдардаг. Бороо орохоор үер болоод нойтон жиндүү орчинд миний хүүхдийн өвчин нь сэдэрдэг. 

Бид чинь цахим үндэстэн биз дээ. Яагаад дарга хүлээнэ, удна, хувийн утас руу залгалаа гээд ямар ч гарц гаргалгаа өгөхгүй хана мөргүүлээд байгаа юм бэ? би одоо хайчих юм. Ийм байгууллага байхад сайд,төр нь яагаад мэдээгүй юм бэ?" гэв. 

Д.Бат-Эрдэнэ