Энэ амралтын өдрүүдэд Гашуунсухайт-Ганцмод боомтод автомат удирдлагатай тээвэр нэвтрүүлэх бэлтгэл ажлыг хангаж, зургаадугаар сарын 27-28-ны өдрүүдэд туршилтын тээвэрлэлтийг эхлүүлэхээр болсон талаар Хууль зүйн сайд Х.Нямбаатар мэдээллээ. Тэрбээр "Зургаадугаар сарын 22-ны өдөр Ерөнхий сайд Л.Оюун-Эрдэнийн 2022 оны 47 дугаар захирамж, Сангийн сайд Б.Жавхлангийн 2022 оны 106 тоот тушаалаар байгуулагдсан ажлын хэсэг БНХАУ-ын ӨМӨЗО-ны ны Баяннуур хотын болон Ганцмод боомтын захиргааны албаны хүмүүстэй цахимаар хуралдлаа.
Автомат удирдлагатай тээвэрлэлтийг нэвтрүүлснээр тус боомтод нүүрсний экспорт урьдчилсан байдлаар 10 сая тонноор нэмэгдэх тооцоолол бий.
Цаашид автомат удирдлагатай тээврийг Шивээхүрэн-Сэхээ болон Хангимандал боомтуудад хэрэгжүүлэхээр төлөвлөн ажиллаж байна" хэмээн өөрийн цахим хуудсаар мэдэгдлээ.
Сэтгэгдэл (1)