Монгол Улс Бүгд найрамдах Франц улстай мал аж ахуйн салбарт хамтарч ажиллах бизнес уулзалт өнөөдөр болж байна. Уулзалтын хүрээнд Монгол орны эрчимжсэн мал аж ахуйг дэлхийд гаргах, цаашдаа хэрхэн хөгжүүлэх болон Франц улсын мах боловсруулах техник технологыг Монгол улсдаа импортлох талаар хэлэлцлээ. Мөн бэлчээрийн мал аж ахуйн бүтээгдэхүүнийг олон улсад бэлтгэн нийлүүлэх тал дээр ажиллаж байна.

Ирэх аравдугаар сарын 4-7-нд Франц улсад зохион байгуулагдах “Европын мал аж ахуйн үзэгсгэлэн”-д Монгол улс зочин орноор уригдсан бөгөөд энэ нь манай улсын хувьд махны экспортод нөлөө үзүүлэхүйц том боломж юм.  

 

Монгол улс 2021 оны байдлаар нийт малын тоо толгой 63.7 сая байсан бөгөөд 2022 онд нийт 90 сая гаруй тоо толгой малтай, үүнээс 24 сая төл бойжуулж байна. Нэг жилд дундажаар 12 сая хүртэлх малыг дотоодын хүнсэнд хэрэглэж байгаа бол  хамгийн багадаа 12 сая хүртлэх малыг гадагш нийлүүлэх, малын арьс шир болон дайвар бүтээгдэхүүнийг орон нутагтаа боловсруулах үйлдвэр хэрэгтэй. Иймд дээрх асуудлын хүрээнд Бүгд найрамдах Франц улстай хамтарч ажиллаж байна.  

М.Балжинням