Азийн хөгжлийн банкны санхүүжилттэй “Эрүүл мэндийн салбарын хөгжил хөтөлбөр” (ЭМСХХ)-ийн зохицуулагч А.Мөнхтайваныг АТГ-ын Мөрдөн шалгах хэлтсийнхэн нэг сарын өмнө саатуулсан.

Тэрээр тендерт шалгарсан компаниас хамаарал бүхий этгээдийнхээ дансаар их хэмжээний авлига авчээ. А.Мөнхтайваныг Нийслэлийн прокурорын газраас Эрүүгийн хуулийн 22.4-2 дахь хэсэгт заасан “Нийтийн албан тушаалтан хахууль өгөгчийн ашиг сонирхлын үүднээс албаны чиг үүргээ хэрэгжүүлсний хариуд хахууль авсан” гэх үндэслэлээр яллагдагчаар татжээ.

Түүнчлэн А.Мөнхтайваны энэ үйлдэлд эрүүл мэндийн тоног төхөөрөмж, урвалж нийлүүлдэг томоохон компанийн захирлыг холбогдуулан шалгаж байна. Түүнийг яллагдагчаар татсан бөгөөд хэрэг нь шүүхэд шилжихэд бэлэн болжээ.

С.Сүлд