УИХ-ын чуулганы нэгдсэн хуралдаан эхэллээ.Хуралдаанаар “Олон Улсын автотээвэрлэлт гүйцэтгэх тээврийн хэрэгслийн багийн ажлын тухай Европын хэлэлцээр”-ийг соёрхон батлах тухай хуулийн төсөлтэй хамт өргөн мэдүүлсэн Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төсөл /Засгийн газар 2022.04.14-ний өдөр өргөн мэдүүлсэн, эцсийн хэлэлцүүлэгийн хэлэлцэж байна. Энэ үеэр УИХ-ын гишүүн Б.Энх-Амгалан үг хэлж, асуулт асуулаа.

Тэрбээр “Олон улсын авто тээвэр гүйцэтгэх европын хэлэлцээрт нэгдэхийг дэмжиж байна. Бид олон улсад нэвтрэх гэж байгаа бол олон улсын дүрэм журмыг дагах ёстой. Сайн яваад ирэв үү гэхээс биш, хурдан яваад ирэв үү гэж асуудаггүй. Тиймээс хурдаа хэмждэг, ажил амралтын цагаа зөв зохицуулдаг байх ёстой.

Сүүлийн таван жилийн дунджаар Монгол улсад гарсан зам тээврийн 34,600 осол гарсан байна. Үүний 97,2 хувь нь жолоочийн буруутай үйлдлээс болсон байна. 26 хувь нь анхаарал болгоомжгүй тээврийн хэрэгсэл жолоодсон зэрэг нөхцөлүүд бий. Тиймээс хурд хэмжигчээ тавих хэрэгтэй. Тавьж чадахгүй бол олон улсад ядуулаад хэрэггүй. Мөн тээврийн бүрэн бүтэн байдалд анхаараарай.

Олон улсын банк санхүүгийн байгууллагаас авч байгаа урт хугацаатай, энгийн хөнгөлөлттэй нөхцөлтэй бага хүүтэй хөгжлийн зээлийг авч болохгүй гэж ярьж болохгүй. Хөгжлийн зээл авахгүйгээр улс орныг хөгжүүлэх тухай асуудал байхгүй. Харин валют арилжааны өндөр хүүтэй долларын зээл энэ хоёрын хооронд их ялгаа бий” гэв.

Д.Батчулуун