УИХ-ын чуулганы нэгдсэн хуралдаан эхэллээ.Хуралдаанаар “Олон Улсын автотээвэрлэлт гүйцэтгэх тээврийн хэрэгслийн багийн ажлын тухай Европын хэлэлцээр”-ийг соёрхон батлах тухай хуулийн төсөлтэй хамт өргөн мэдүүлсэн Замын хөдөлгөөний аюулгүй байдлын тухай хуульд нэмэлт, өөрчлөлт оруулах тухай хуулийн төсөл /Засгийн газар 2022.04.14-ний өдөр өргөн мэдүүлсэн, эцсийн хэлэлцүүлэгийн хэлэлцэж байна. Энэ үеэр  УИХ-ын гишүүн С.Бямбацогт үг хэлж, асуулт асуулаа.

Тэрбээр "Европын холбооны авто тээврийн хэлэлцээрт элсэн орох гэрээг батлах гэж байна. Европын холбооны улсаас Монгол руу ирж байгаа ачаа тээврийг саадгүй нэвтрүүлж, манай улсад үүссэн ачаа тээврийн асуудлыг шийдвэрлэх ач холбогдолтой. Уг гэрээг баталснаар автомашин бүрт GPS тавина, 16 цаг жолоо барьдгийг 9 цаг болгож бууруулах зэргээр аюулгүй байдлыг сайжруулна. Хууль баталснаар ачаа бараа тээвэрлэгчдийн ашиг орлого буурахгүй байхад анхаарч, нугалаа завхрал үүсгэхгүй байхад анхаараарай" гэв.

Д.Батчулуун