Ховд аймгийн Зэрэг сумын харьяат бөх, улсын заан Баярхүүгийн Бат-Өлзий нь 1992 оны зургаадугаар сарын 08-ны өдөр мэндэлсэн, энэ жил 30 нас хүрч яваа залуу бөх юм. Тэрбээр үндэсний бөхөөр “Алдар” спорт хороо, “Монтед” констракшн, Зэвсэгт хүчний 034 дүгээр анги, “Өнө мөнх хөгжил констракшн” ХХК-д харьяалагддаг.

Б.Бат-Өлзий анхны цолоо 2008 онд Зэрэг сумынхаа наадамд түрүүлж сумын заан цол хүртэж байжээ. Түүний дараа 2013 онд цэргийн начин, аймгийн харцага цол хүртсэн. Харин удаах жилийн Ховд аймгийн баяр наадамд үзүүрлэн аймгийн заан цол хүртэж байсан бол тэр жилдээ Орхон аймгийн баяр наадамд найм даван түрүүлж аймгийн арслан цолоо хүртэж байжээ.

Тэрбээр 2015 онд анхны улсын наадамдаа дөрвийн даваанд өвдөг шороодож байсан бол 2016 оны улсын баяр наадамд зургаа даваг шөвгөрч улсын харцага цол хүртсэн. 2019 онд Ардын хувьсгалын 98 жилийн ойн баяр наадамд тав даван шөвгөрч чимэг нэмжээ. Харин Ардын хувьсгалын 100, 101 жилийн ойн баяр наадамд долоо давж улсын заан цол хүртээд буй.

Б.Бат-Өлзий нь улсын заан цол хүртэхдээ дараах бөхчүүдийг давжээ.

Нэгийн даваанд Тува улсын бөх Шойдун Сабудай

Хоёрын даваанд Ховд аймгийн начин Б.Дэнзэнсамбуу

Гурвын даваанд улсын начин  М.Жамъянпүрэв

Дөрвийн даваанд Говь-Алтай аймгийн арслан Ч.Эрдэнэсайхан

Тавын даваанд улсын начин Б.Ганхуяг

Зургаагийн даваанд Булган аймгийн заан Э.Энх-Амгалан

Долоогийн даваанд улсны харцага Н.Золбоо  

Т.Мөнхжаргал