Засгийн газрын ээлжит хуралдаанаар гарсан зарим шийдвэрийн талаар Хууль зүйн сайд Х.Нямбаатар дараах мэдээллийг өглөө.
Нэгдүгээрт, боловсролын салбарт тойргийн бус хүүхдийг өөр сургуульд элсүүлэх, ямар нэг уралдаант шалгалтгүйгээр элсүүлэх зэрэг тохиолдлууд гардаг. Тиймээс хичээлийн шинэ жил эхэлж байгаатай холбоотойгоор боловсролын салбарт буй авлигын асуудлыг таслан зогсоох, түүнд хяналт тавих ажлын хэсгийг 11-11 төвд түр ажиллуулахаар боллоо.
Хоёрдугаарт, Монгол Улсын стратегийн бүтээн байгуулалтыг санаатайгаар тасалдуулсан явдлыг хуулийн байгууллагад шалгуулна. Сүүлийн 20 орчим жилд саатаад байсан томоохон бүтээн байгуулалтуудын нэг нь Эрдэнэбүрэнгийн УЦС.
Гуравдугаарт, цахим орчинд залилан, бэлгийн эрх чөлөөний эсрэг гэмт хэрэг, бага, өсвөр насны хүүхдийг айлган сүрдүүлж хүчээр бие үнэлүүлэх, бэлгийн мөлжлөгийн хохирогч болох тохиолдол нэмэгдэж байна. Иймд энэ төрлийн гэмт хэргийн талаар тусгайлан хөтөлбөр танилцуулна.
Т.Мөнхжаргал
Сэтгэгдэл (2)