Цагдаагийн ерөнхий газраас хууль бусаар их хэмжээний үнэт эдлэлийг гаалийн хяналтын бүсээр оруулж ирсэн этгээдийг илрүүллээ. 2022 оны наймдугаар сарын 01-ний өдөр Монгол Улсын нэр бүхий иргэд “Чингис хаан” олон улсын нисэх буудал дахь гаалийн хяналтын бүсээр их хэмжээний алт, үнэт эдлэлийг хууль бусаар нэвтрүүлж байсан хэрэг бүртгэгдсэн. Мөн энэ сарын 05-ны өдөр Монгол Улсын иргэн А нь “Истанбул-Улаанбаатар”-ын нислэгээр 1,6 кг алт, монет, мөнгөн эдлэлүүдийг гаалийн хяналтын бүсээр нэвтрүүлсэн хэрэг дахин илэрлээ.
Дээрх хэргийг илрүүлэн иргэн А болон Гаалийн байгууллагын эрх бүхий албан тушаалтнуудыг холбогдуулан шалгалтын ажиллагаа үргэлжилж байна.