Өнөөдөр Монгол Улсын Ерөнхий сайд Л.Оюун-Эрдэнэ, Нийслэлийн Засаг дарга бөгөөд Улаанбаатар хотын захирагч Д. Сумъяабазар нар холбогдох албаны хүмүүстэй гэр хорооллыг орон сууцжуулах, дахин төлөвлөлтийн асуудлаар газар дээр нь ажиллаа.

Энэ үеэр Ерөнхий сайд орон сууцны хорооллын 1000 өрх тутамд 100 хүүхдийн сургууль, 200 хүүхдийн цэцэрлэгтэй байх стандартын талаар холбогдох албаны хүмүүстэй ярилцсан юм.

Тэрбээр “Орон сууцны хороолол ашиглалтад ороход сургууль, цэцэрлэг адилхан ашиглалтад орох байдлаар зохицуулах ёстой. Хэрэв байр нь ашиглалтад ороод сургууль, цэцэрлэгээ ашиглалтад оруулаагүй бол торгууль тавьдаг, улсын комисс хүлээж авахгүй болгох хэрэгтэй. Хэрэв тийм хорооллыг хүлээж авсан бол авилаггүй хэрэг гэж үзэхээр хуульчлах хэрэгтэй. Үүнийг ядаад байх хэрэг алга, хуульчилчихъя” гэв.

Т.Мөнхжаргал