Хонгилын шүүгч гэгдэх Б.Баасанцогтыг бүгд мэддэг болсон. Түүний шүүгч нартай наргиж буй болон лифтэн доторх бичлэг задарснаар хууль хяналтын байгууллагад шалгагдаж буй юм.

Б.Баасанцогтыг АТГ-ын Мөрдөн шалгах хэлтсээс Эрүүгийн хуулийн 12.6.1-т заасан “Бусдыг биеэ үнэлэхэд зуучилсан, татан оролцуулсан”, 22.5.1-т заасан “Өөртөө, бусдад давуу байдал бий болгох зорилгоор бусдад албаны чиг үүрэг, бүрэн эрх, албан тушаалын байдалтай нь холбогдуулан эд зүйл өгсөн” үндэслэлээр шалгаж байгаа юм.

Тэгвэл наймдугаар сарын 10-ны өдөр өмгөөлөгч Б.Баасанцогтыг цагдан хорих шийдвэр гарч баривчилсан. Харин цагдан хоригдсон Б.Баасанцогт шүүгчидтэй холбоотой болон шалгагдаж байгаа хэргийнхээ талаар “ам нээж” мэдүүлэг өгчээ. Тухайн мэдүүлгийн үндсэнд улс төрийн нөлөө бүхий хүмүүс болон хуулийн байгууллагын албан тушаалтнууд Б.Баасанцогтыг суллах талаар ярилцаж байгаа аж. Үүнд Ерөнхийлөгч асан Х.Баттулга болон улсын дээд шүүхийн дарга нар тохироо хийсэн байж болзошгүй байна.

Т.Мөнхжаргал