Засгийн газрын хуралдаанаас гаргасан шийдвэрийг танилцуулж байна. Энэ үеэр Барилга, хот байгуулалтын сайд Б.Мөнхбаатар мэдээлэл өглөө.

Тэрбээр Геодезийн тухай хуулийн шинэчилсэн найруулгыг хэлэлцэж, УИХ-д өргөн барихаар боллоо. Газрын хуулийг Засгийн газрын хуралдаанаар хэлэлцүүлээд, УИХ-д өргөн барьсан. Геодезийн тухай хууль бол 1997 онд батлагдсан хууль. Уг хууль гурван бүлэг 15 зүйлтэй байсан бол, шинэчилсэн найруулгаар зургаан бүлэг 34 зүйл болон нарийсаж байна. 1997 оноос хойш 11 удаа нэмэлт өөрчлөлт орсон байдаг. 

Геодези бол улс эх орны эдийн засаг, хөгжлийн үндсэн суурь байдаг. Геодезийн тоон хэмжээнд тулгуурлаж бүтээн байгуулалт явагддаг. Өнгөрсөн хугацаанд Улаанбаатар хотод 360 гаруй цэг тэмдэг байсан. Гэвч жил ирэх тусам тал гаруй цэг тэмдэг нь байхгүй болсон. Цэг тэмдэг байхгүй болсноор хот төлөвлөлтөд алсуураа нөлөөлж байдаг. Тухайлбал, ус зайлуулах хоолой авто зам болон хувирсан байх жишээтэй.

Тиймээс геодезийн салбарын зохион байгуулалтыг тодорхой тусгаж өгсөн. Мөн мэдээллүүдийг нэгтгэнэ. Зарим нууцлаг гаргасан зураг төслийг ил гаргана. Үүнийг уг хуулийн шинэчилсэн найруулгад тусгаж өгсөн. Хийн хоолойн төсөл, шинэ төмөр замын төслүүд дээр геодезийн зураг маш чухал байгаа. Нарийвчилсан зураг гарч байж тухайн бүтээн байгуулалтыг хийх хэрэгтэй байгаа юм. Мөн шинэчилсэн найруулгыг ярилцахаас гадна энэ салбарт хийх хөрөнгө оруулалтын тухайн ярилцсан” гэв.

Д.Батчулуун