Монгол Улсад уул, уурхайн салбар үүсч хөгжсөний 100 жилийн ойг тохиолдуулан "Уул уурхайн долоо хоног 2022" арга хэмжээ болж байна.

Энэ үеэр Уул уурхай, хүнд үйлдвэрийн сайд Ж.Ганбаатар "Хариуцлагатай уул уурхайг дэмжиж байж хариуцлагагүй уул уурхай буюу нөхөн сэргээлт хийдэггүй асуудалд бодлогын хувьд хатуу байдлаар хандана гэдгээ хэлье. Нийт газар нутгийн 76 хувь нь лиценз олгох боломжгүй буюу тусгай хамгаалалттай газар нутаг байгаа. 2.6 хувьд эрэн хайх зөвшөөрөл олгогдсон байна. Үүний 0.23 хувьд олборлолтын үйл ажиллагаа явагдаж байна.

Би энэ салбарын бодлогыг тодорхойлж дөрвөн жил Эдийн засгийн байнгын хороон даргаар ажиллалаа. Одоо сайдын үүргийг авсны дагуу аж ахуйн ажлаа сайн гүйцэтгэх хэрэгтэй. Тиймээс гадны хөрөнгө оруулагчдын итгэлийг сэргээх асуудал чухал байна.

Хууль бол гадны хөрөнгө оруулагчдыг татахуйц, харин тэдний итгэлийг буцаагаад сэргээхээр ажиллаж байна. Манай Улсад баялаг бий. Дараагийн "Оюутолгой", "Эрдэнэт", "Тавантолгой"-г нээх ажлыг эрчимжүүлэх хэрэгтэй байна.

Уул уурхайн салбарт иргэдийн эсэргүүцэл тулгардаг. Үүнийг буруутгахгүй, гэхдээ зарим талдаа мэдээлэл дутмаг байгааг далимдуулж үүн дээр нь тоглож байгаа зүйл байгаа. Түүнээс биш тухайн орон нутагт амьдарч байгаа иргэдийн эсэргүүцэл бол зөв. Томоохон хэмжээний уул уурхайн компаниуд хариуцлагатай байж чадаж байна. Харин дунд хэмжээний уул уурхайн компаниудад тодорхой журам гаргана. Хэрэв хэрэгжүүлэхгүй бол үйл ажиллагаа явуулахгүй байх талаас нь арга хэмжээ авна" гэв. 

Т.Мөнхжаргал